دؤرییان قیرئین پؤرتیره سی

دؤرییان قیرئین پؤرتیره سی- بیرینجی قیسمت

رسسام

"من اؤزومدن چؤخ شئی بو پؤرتیره یه قاتمیشام."

اتاقین آچیق پنجره سینده ن یاز گوللرینین، زنگین ایسی گلیردی. لؤرد هنری واتون(LORD HENRY WOTTON) مُبلوندا آرخالانیب و سیگارتین چکیردی. اؤ باغین لطافتلی سسی آرخاسیندا لندن ین سس صداسین ائشیده بیلیردی.

اُتاقین اؤرتاسیندا بیر گؤزل جاوان اؤغلانین پؤرتیره سی واریدی، و اؤنون قاباقیندا دوران رسسام اؤزی، باسیل هالوارد(BASILHALLWARD).

لؤرد هنری  ساکینجه دئدی:" بو سنین أن گؤزل رسمیندی، باسیل ، گؤزل پؤرتیره کی ایندییه جان چکیبسن. سن بونی لندن ین أن بؤیوک هُونر گالیری سینه یؤللامالیسان".

باسیل یاواشجادئدی: "یؤخ، یؤخ، هئچ یئره گؤندرمییه جاقام."

لؤرد هنری شاشیردی و سؤروشدی:" منیم عزیز باسیل یم نییه یؤخ؟ سیز رسسام لار چؤخ عجاییب اینسانلارسیز! سیز مشهور اؤلماق ایستیرسیز آمماسؤنرا مشهور اؤلاندا سئوینمیرسیز- بو پیسدی کی میللت سندن دانیشسین؟- آمما داهی پیسی اؤدور کی اؤنلار سندن دانیشمییالار.

باسیل دئدی: " بیلیرم منه گوله جاقسان، آمما بو پؤرتیره نی هُونر گالیریسینه آپارمییاجاقام. اؤزومدن چؤخ شئی بو پؤرتیره یه قاتمیشام."

لؤرد هنری گولدی و دئدی: "چؤخ شئی اؤزوندن اؤناقاتمیسان! سن هئچ اؤنا بنزه میرسن کی. او بیر ساریشین اؤغلاندی و گؤزل بیر اوزیوار. آمما سن- البتته عاقیللی نظره گلیرسن، آمما اؤ سؤیوق اوز وه قارا ساچلارینان،گؤزل دئیلسن."

باسیل جاواب وئردی:" هَری، منی آنلامیرسان.(لؤرد هنری نین آرخاداشلاری اؤنی همشه هری چاغیرارلار) باسیل داوام ائلدی: " البتته سنه تای دئیلم. گرچَکده گؤزل اؤلماقی سئچمه رم. دؤرییان قیرئی ین اوز گؤزللیقی باشینا بَلا گتیره بیلر."

لؤرد هنری سؤروشدی:"دؤرییان قیرئی؟ اؤنون آدی بودی؟"

باسیل:" بلی، ایسته میردیم سنه دییم."

هنری: "نییه؟"

باسیل: "من بونی آچیقلایانمارام. اؤنلاری کی چؤخ سئویرم آدلارین دؤستلاریما دئمه رم. سیرلری سئویرم، بونا گؤره."

باسیل ین دؤستی( هنری) اؤنون سؤزون تأیید ائلدی:"البتته، یاشاماق هَیَجان وئریجی اؤلور اؤ واقت کی سیرلرین وار. مَثَل اوچون، بیلمیرم منیم آروادیم هاردادی، آروادیم دا بیلمیر کی من نه ایش گؤرورَم. اؤ واقت کی بیربیریمیزینن گؤروشه ریک- گرچکده بعضی واقت لار گؤروشه ریک- بیربیریمیزه ماراقلی ناغیل لار تعریف ائله ریک و اؤنلارین دوز اؤلدوقلارینا بیربیریمیزی ایناندیرریک".

باسیل دئدی: "هری،هَمَشَه تظاهور ائلیرسن. فیکر ائلیرم بلکه یاخشی بیر اَر(آقا) اؤلاسان ، آمما  اصیل حیس لری ساخلاماقی سئومیرسن".

لؤرد هنری گولدی و دئدی :" باسیل ، بو قدر جیددی اؤلما.گَل گئداق باغا."

باغ دا یارپاقلار گونش ایشیقی آلتیندا ایشیلداییردیلار،  گول لر یاواشجا یای یئلینده دَبَشیردیلر. ایکی کیشی بیر  اوجا آغاجین کؤلگه سی آلتیندا صندلی اوستونده اؤتدولار.

لؤرد هنریدئدی: " گئتمه میشدن قاباق گره کمنیم سؤالیما جاواب وئره سن باسیل. نه دن دؤرییان قیرئی ین پؤرتیره سین بیرگالریده سَرگییه قؤیمورسان؟" آرخاداشینا گولومسه دی باخاراق. "لوطفن حقیقی دلیلی دِء . نه اؤ جاوابی کی قاباقجا منه وئردین."

باسیل:"هری، بیر رسسام رسم اؤلان کیشی نین اوزی و بدنین چکیر آمما گرچکده ایچینده کی حیسلرین پؤرتیره ده یانسیدیر. بو پؤرتیره نی سَرگییه چیخارا بیلمه رم بونا گؤره کی قؤرخورام اوره گیمین سیرلرین آچسین و گؤستَرسین."

لؤرد هنری گولدی و دئدی: "  سنین بو اوره گینین سیرری نه دی؟"

باسیل سس سیز ایدی.لؤرد هنری بیر گول دَردی و اؤنا ماراقلی باخدی.

باسیل دئدی:" ایکی آی اؤنجه ، لیدی براندون (LADYBRANDON) -ون ائوینده قوناق اؤلاندا دؤستلاریمینان دانیشیردیم کی بیرینین منه باخدیقینی حیس ائله دیم. چؤنوب و ایلک دفعه دؤرییان قیرئیی گؤردوم. باخیشدیک و بیردن منی دَرین بیر قؤرخی ساردی. حیس ائله دیم کی بو شخص منیم حایاتیمی دَییشه بیلر.  منی هم شاد و هم ناراحات ائلییه بیلر. سؤنرا ، لیدی براندون بیزی تانیشدیردی. مننن دؤرییان لیدی براندونون بیر سؤزونه گولدوق و دؤستاؤلدوق.

باسیل دایاندی.لؤرد هنری گولدی و دئدی: "بیراز چؤخ تعریف ائله ،  سن اؤنی نه جور گؤردون؟"

باسیل جاواب وئردی:" شاد اؤلانمیرام اگر اؤنی گونده گؤرمه سم - منیم حایاتیمین اؤلمازسا اؤلمازیدی."

لؤرد هنری دئدی:" آمما فیکر ائلیرم کی یالنیز اؤز هونَرینه اؤنَم وئریسن."

باسیل جیددیدئدی: " ایندی اؤ منیم بوتون هونریمدی،  اؤ زامان دان کی دؤرییان قیرئیی گؤرموشم، رسیم چکماقیم یاخشیلاشیب، اَن یاخشی چکدیقیم رسیم عؤمرومده بودی. اؤنا گؤره هونَری آیری جور گؤروره م ، یئنی بیر شئی کیمین. اؤ واقت کی اوننان بیرلیکدَییک، چؤخ ماراقلی پؤرتیره لر چکیرم.

لؤرد هنری دئدی:"باسیل، بو غیر عادی بیر شئی دی. گره ک دؤرییان قیرئی ایله گؤروشم."

باسیل آیاقادوردی و باغدا دورمادان یؤل گئدیب گلیردی:" بو سیرریمدی. دؤرییان دویقولاریمی (حیس) بیلمیر. پؤرتیرهنی هئچ کسه گؤستره بیلمه رم، منیم اوره گیمده اؤلانی گؤستریر. مندن چؤخلی شئی لرایچینده ساخلاییر، هری، چؤخلی!"

لؤرد هنری باسیل ین اوزونه باخدی دانیشمادان قاباق. دِء گؤروم ، دؤرییان قیرئی ده سن ایله ایلگیلَنیر؟

رسسام نئچه دقیقه فیکیرلشدی. آخیردا دئدی: "اؤ دا منی سئویر. بیلیرَم منی سئویر. زامان زامان او مننن چؤخ صمیمی اؤلور، آممازامان زامان منی اینجیتمه یی خؤشلاییر. اوجو بیز سؤزلر دِییر کی منی ناراحاتائلیر، هری. حیس ائلیرم کی بیر کسه باغلامیشام کی فیکر ائله ییر اوره گیم بیر گؤزل گولدی. بیر گول کی اؤنی یای گونونده ائیلَن دیره بیلر ، و ساباهی سی اؤنی اونودا بیلر."

 لؤرد هنری گولماقینان دئدی: " یای گونلری چؤخ اوزون اؤلا بیلرلر، باسیل. اؤلابیلر کی اوندان قاباق خسته اؤلاسان."

باسیل:"هری بئله دئمه. یاشادیقیم سوره جه، دؤرییان قیرئی منیم اوچون اؤنملی اؤلاجاق. حیسلرینیچؤخ هیزلی دَییشتیریرسن. منیم حیسلریمی آننایا بیلمیرسن."

لؤرد هِنری ناراحاتلیقیندان دئدی: " عزیز باسیلیم، نه جور بئله اؤلا بیلَرسن!" اؤزو ایله دئدی، نه قدر ماراقلی دیر آیری اینسانلارین یاشاییشلاری. یاواشجا بیر گول دَریب،گولون یارپاقلارین بالاجا بالاجا قؤپاردی بارماقلارینان. لؤرد هنری سؤزلرینه داوام ائلدی: " ایندی یادیما گلدی. فیکر ائلیرم کی بی بی م دؤرییان قیرئیی تانییا.اوننان تانیشماقی چؤخ ایستییرم."

باسیلدئدی:" آمما اؤننان تانیشماقینی ایسته میرم."

 نؤکر اؤنلارا ساری گلدی.

 باسیله دئدی: " دؤرییان بئی قیرئیجینابلاری گلدیلر."

لؤرد هنری گولماقینان دئدی: " مجبورسان تانیشدیراسان ایندی."

 باسیل اؤنا طرف قاییدیب آرام دئدی: "دؤرییان قیرئی اَن عزیز دؤستوم دی. یاخشی آدامدی و گئنج دی – ساده جه ایرمی یاشی وار.اؤنی دَییشتیرماقا چالیشما. اؤنون بئینین یوماقا چالیشما. البتته عاقیللی سؤزلرین چؤخ شاشدیریجی دی، آمما جیددی شئی لر اوستونده  ظارافات ائلیسن. اؤنی مندن اوزاخلاتما. بیررسسام اؤلاراق منه گره کلی دیر."

 لؤرد هنری گولدی :" چؤخ نیگرانسان دؤستوم." اؤنلار ائوه قاییددیلار.

دؤست

" دونیادا هئچشئی گئنجلیق قَدَر دَیَرلی دئییل!"

اؤنلار ائوه گیرَنده، دؤرییان قیرئیی گؤردولر. پنجره کناریندا اؤتوموشدی و موسیقی صفحه لرینه باخیردی.

دؤرییان: " گره ک منه بو قطعه موسیقینی اؤرگده سن، باسیل." سؤنرا چؤنوب لؤرد هنــری نی گــؤردی." عذرایستیرم، باسیل. گؤرمه دیم ..."

باسیل دئدی: " دؤرییان، اؤ لؤرد هنری واتون دی. اؤ قدیم یؤلداشلاریمدان دی."

 دؤرییان قیرئی لؤرد هنری نن اَل سیخیشدیلار، دانیشادانیشا، لؤرد هنری گئنج کیشی نین ظاهیرینه باخدی. بلی، دؤرییان گرچکدنده یاراشیخلی دی،آچیق گؤی گؤزلری و ساری ساچلارینان. اؤنون ساده و صادیق بیر اوز شکلی واریدی. اؤنون اوزونده هئچ قارا بیر شئی و ایچینده هئچ قارا بیر سیر یؤخیدی. لؤرد هنری باسیلی دَرک ائلییه بیلیردی.

باسیل پؤرتیره سین حاضیرلاییردی، لؤرد هنری یه باخیب دئدی: " بو پؤرتیره نی بو گون قورتارماق ایستیرم. قؤرخارام کی سنین گئتماقینی خواهیش ائده جم."

 لؤرد هنری گولوب دؤرییان قیرئیه باخدی وه سؤروشدی: " گئتمه لییم یا یؤخ، میستِر قیرئی؟"

دؤرییان:"لوطفن گئتمه یین، لؤرد هنری. باسیل هئچ دانیشمیر رسیم چکنده ، چؤخ داریخیرام.لوطفن قالین. من سیز ایله دانیشماقی خؤشلاییرام."

 لؤرد هنری باسیل دن سؤروشدی : " ایندی نئجهباسیل؟"

 رسسام فیکیرلشیب دئدی: "چؤخ یاخشی، هری قال... اگر کی قالمالیسان."

باسیل رسیم چکه چکه، لؤرد هنری دانیشیردی، وه گئنج اؤغلان گولاق آسیردی. سؤزلر دؤرییانین باشیناموسیقی کیمین دولوردی – وحشی، تحریک ائدیجی  موسیقی تک. دؤرییان فیکیرلَشیردیکی لؤرد هنرینین عَجب گؤزل سَسی وار. سؤزلر تکجه سؤز اؤلسالاردا بیر اؤ قدرده قؤرخونجیدیلر!منطقی، عالیمجه و تهلوکه لی سؤزلر! سیز اؤنلاری گؤرمَزدن گله بیلمزسیز. دؤرییان بعضی شئی لری قاباقجا اؤزونده آنلامیردی آمما ماراقلی ایدی کی بیله، دوشونماقا باشلادی.اؤزی ایله دِییردی، نییه بس قاباقجادان بو شئی لری آنلایانمیردی؟

لؤرد هنری دؤرییانا باخدیب گولدی. هاردا دانیشمالی و هاردا سوسمالی ایدی یاخشی بیلیردی. لؤرد هنری گئنج دؤرییانا گولاق وئردی.

سؤنرا ایکیسی بیرلیکده باغچایا طرف گئتدیلر باسیل پؤرتیره نین آخیر ایشلری اوستونده چالیشاندا.گوللرین زنگین قؤخولاری اؤنلارین اطرافیندا دولانیردیلار. دؤرییان لؤردا باخیب،اؤنی گؤزده ن گئچیتدی. اوجا بؤیلی ایدی، آریخ اوزی و بیاض سؤیوق اَللری واریدی. دؤرییان بیله سین سئومیشدی آمما اؤنا قارشی بیراز قؤرخوسی واریدی!

لؤرد هنری دئدی: " سیز گره ک گونشدن اوزاق اؤلاسیز، میستِر قیرئی؛ گونشده یانمیش جیلد مُد دئیل و سیزه یاراشماز."

 دؤرییان گولدی : " بو پِرابلِم (موشکول)دئیل."

لؤرد هنری:" آمما اؤلمالیدی،میستِر قیرئی."

دؤرییان سؤروشدی: "نییه؟"

چونکی گئنج سیز، گئنج اؤلماق گؤزلدیر.گولورسوز، اؤنَم وئرمیرسیز، آمما بیر گون قؤجا و یؤرقون اؤلاندا منیم نه دئمک ایستَدیقیمی باشا دوشه جکسیز . گؤزل غیر عادی اوزونوز وار، میستر قیرئی. ظارافت ائله میرم. باشینیزی تَرپَتمه یین. گؤزللیق کیمین اؤنملی بیر شئی تاپماق اؤلماز. گئنجلیق ایله بیرلیکده گؤزللیق ده گئدیر. سؤنرا بیردن کشف ائده جکسیز کی حایاتینیز بؤشدی – هئچ بیر شئی لذذت اوچون یؤخدی ،هئچ اومیدیز یؤخدی. زامانسیزین دوشمنیزدی، میستر قیرئی. هر شئیی سیزدن آلاجاق. اینسانلار  قؤجالماقدان قؤرخورلار. یاشاماق دان قورخورلار.آمما سیز، گؤزللیقینیز و گئنجلیقینیز ایله ، هئچ بیر شئی یؤخدی کی اَله گتیره نمییه سیز. سیز یاشامالیسیز! سیزین ایچینیزده اؤلان گؤزل حایاتی یاشامالیسیز! بیر داهی گئنج اؤلا بیلمه ریک. گئنجلیق! دونیادا گئنجلیقدن اؤنملی بیر شئی یؤخدی!

دؤرییان قیرئی گولاق آسیردی و اؤزی ایله فیکیرلشیردی. یِئنی فیکیرلر بئینینده یارانیردی. اؤزونی غریب حیس ائلیردی.

باسیل اؤنلاری ائوه چاغیردی. لؤردهنری قایدیب دؤرییانا باخدیب دئدی:" سیز منی گؤرماقدان موتلوسوز میستِر قیرئی؟"

دؤرییان: "بلی، موتلویام. هَمَشَهده  اؤلاجاقام فیکر ائلیرم؟"

 لؤرد هنری گولدی: "هَمَشَه! نه قدر وَحشتلی کلمه دی! قادینلاردا بو کلمه دن چؤخ ایستیفاده ائلیرلر. معناسی نه دیر؟ بوگون ائله بوگون دَیَرلیدی."

 ائوده، باسیل هالوارد دؤرییان قیرئی ین پؤرتیره سینین قاباقیندا دورموشدی. دئدی: " قورتاردی." اؤز آدینی پؤرتیره نین قیراقیندا یازدی.

 لؤرد هنری دیققت ایله پؤرتیره یه باخیردی. دئدی باسیله: " بلی، اَن یاخشی رسمین بودی. چؤخ گؤزلدی. میستر قیرئی، گَل اؤزونه باخ."

دؤرییان اوزون- اوزون پؤرتیره یه باخدی. قاباقیندا گؤزل بیر اوز گوردی سئویندی . آمما سؤنرا لؤرد هنری نین سؤزونی خاطیرلادی.او فیکیرلشدی: " نه واقتاجان پؤرتیره یه بنزَر قالاجام؟ زامان گؤزللیقیمی مندن آلاجاق. یاشلاناجاقام، آمما پؤرتیره هَمَشَه گئنج قالاجاق." اؤنون اوره گی قؤرخو ایله دؤلدی.

باسیل سؤروشدی:" دؤرییان، پؤرتیره نی سئومَدین؟"

لؤرد هنری دئدی: " البتته کی اؤنی سئودی. چؤخ گؤزل پؤرتیره دی. اؤنی آلماق ایستیرم."

باسیل: " منیم دئیل کی ساتام، هری. پؤرتیره دؤرییانین دی."

بیردن دؤرییان دئدی:" کاش هَمَشَه گئنج قالاردیم یئریمه پؤرتیره قوجالاردی."

 لؤرد هنری ظارافت ائلدی: " فیکر ائله میرمسن سئوه سن پؤرتیره نی، باسیل، ائله دی؟"

باسیل گولماق ایله قاتیلدی: "یؤخ، هئچ سئومیرم ."

دؤرییان چؤنوب،هیسدن قیزامیش اوز ایله باسیله دئدی: "بلی، سن هونرینی دؤستلاریندان چؤخ سئویرسن. نه قدر منی سئویرسن؟ یالنیز گؤزل اؤلاندا، فیکر ائلیرم. لؤرد هنری دوز دِییر.گئنجلیق دونیادا اَن دَیَرلی شئی دی.  نییه بو پؤرتیره نی چکدین؟ نییه گره ک اؤ گئنج قالا من یاشلانام؟ من آرزولاییرام کی پؤرتیره دَییشسین، من بئله کی وارام قالام. هر شئیی ائلرم ،بلی، هرشئیی کی بو آرزوم گرچَک اؤلسون." دؤرییان اَللرین اوزونه قؤیدی.

باسیل ناراحات دئدی:" دؤرییان، دؤرییان! بوجور دانیشما. منیم أن عزیز دؤستوم سنسن." باسیل لؤرد هنری یه طرف چؤندی و غضبلی دئدی: " اؤنا نه اؤرگتمیسن؟ نییه سؤزومه باخمیرسان؟"

لؤرد هنریگولدی: " بو حقیقی دؤرییان قیرئی دی –  باخ بئله."

باسیل سورعت ایله پؤرتیره یه طرف گئتدی: " بو منیم اَن گؤزل رسمیم دی، آمما ایندی اؤندان پیسیم گلیر. ایندی اؤنی محو ائلییه جام، دؤستلوقیمیزی کؤرلامامیشدان قاباق."بؤیوک اوزون پیچاقی قؤتدی.

 آمما دؤرییان باسیلین قاباقینا چیخدی. " یؤخ،باسیل، ائلمه! بونی محو ائلییه بیلمه سن. بو جینایت اؤلار!"

باسیل دئدی:" یاخشی، قرار وئرمیسن کی پؤرتیره کیمین اؤلاسان بو قدر سؤزدن سؤنرا؟"دؤرییـــان دئدی: "سئویرم.پؤرتیره سیز یاشایانمارام."

نئچه واقت سؤنرا،چایلاشان واقت ، لؤرد هنری باسیل و دؤرییانی گئجه تئاترا گئتماقا چاغیردی. باسیل رَدائلدی آمما دؤرییان سئوه سئوه قبول ائلدی.

باسیل دئدی: "دؤرییان یانیمدا قال، بیرلیکده شام یییاق دؤرییان." آمما یؤخ، دؤرییان ترجیح ائدیردی کی لؤرد هنری ایله تئاتراگئتسین.

لؤرد هنری و دؤرییان قاپینی آرخالارینجا باقلادیلار، باسیل پؤرتیره یه چؤنوب باخدی و ناراحات اؤز ایله دئدی:" من گره ک بوردا گرچَک دؤرییان قیرئی ایله قالام."

ساباه سحر لؤرد هنری بی بیسی لیدی آقاتانی (LADYAGATHA) گؤرماقا گئتدی. بی بی اؤنو گؤرنده شاشیردی.

لیدی آقاتادئدی: " فیکر ائلیردیم کی سنین کیمین گئنج، یاراشیخلی کیشیلر ناهار چاغیندان تئز یوخودان اؤیانمازلار."

لؤرد هنری:"آمما منیم عزیز بی بیم، بعضی بیلگیلره ائحتیاجیم وار کی سن بیلیرسن. دونَن دؤرییان قیرئی ایله تانیشمیشام ، اؤنون حاققیندا چؤخ بیلمه ک ایستیرم."

 لیدی آقاتا دئدی: " اؤ لؤرد کلسو- نون(LORD KELSO) نــــوه سیدی. اؤنون آنـــــاسی لیدی مارگارئت دِوِروکس (LADYMARGARET DEVEREUX) چؤخ گؤزل قادین ایدی. بیر پولسوز سربازا اَره گئتمک اوچون ائودَن قاچدی. سرباز نئچه آی سؤنرا اؤلدورولدی و آناسیدا اؤغلون دوغاندان سؤنرا اؤلدی. سئومَلی بیر قادین ایدی. دؤرییان قیرئی اؤنون گؤزللیقین و اؤراجان کی بیلیرم بؤیوک دَه-دَه سینین ثیروتینه صاحیبدی.

 لؤرد هنری ده تأیید ائلدی: " خارق العاده یاراشیخلی دی."

لیدی آقاتا دَعوت ائلدی: " گل ناهارا. دؤرییان قیرئی بورا گلجَک و اؤنی گئنه گؤره بیله جکسن."

لؤرد هنری گوله-گوله دئدی: " سئوینه رم گَلَم."

گئده-گئده لؤرد هنری بی بیسینین دئدیکلرینه فیکیرلشدی. گوندن گونه  داهی چؤخ گئنج اؤغلان دؤرییان قیرئیه ماراقلاندی.گئجه نی خاطیرلادی کی دؤرییان گؤی رنگلی گؤزلری ایله اؤنا باخیردی. لؤرد هنری گولومسه ماقینان دؤشونوردی: " او هَلَه اؤزونی تانیماییب. آمما اؤنا اؤرگده بیللم.بلی، اؤنی هر جورکی ایسته سَم اؤزومه چکه بیللم. اؤرگده جاقام کی گئنجلیق و عشق و یاشاییش اؤد-ون کشف ائله سین."

سؤسیال اؤلان اینسانلارین لیدی آقاتا-نین ائوینده، دانیشیقلاری عاقیللیجا و هیزلی ایدی. ناهارباشیندا لؤرد هنری ماراقلی وحیران ائدیجی دانیشیردی ،بیلیردی کی دؤرییان قیرئی باخیر و ائشیدیر.

 بیراز سؤنرا سؤز دییشدی، دانیشیق بیر دؤستون آمریکالی قیز ایله ائولنمه سیندن گئدیردی.

لؤرد بوردُن (LORD BURDON)دئدی: " نده ن آمریکالی قادینلار اؤز اؤلکه لرینده قالا بیلمیرلر؟ اؤنلار همشه دییرلر کی اؤرا جننت دی قادینلار اوچون."

لؤرد هنریدئدی: " عیللت بودی اؤنلار سئوینیرلر اؤردان قاچاندا."

 لیدی آقاتا-نین یانیندا اؤتوران کیشی دئدی:" اؤنلار دییرلر کی ناواقت یاخشی آمریکالی اؤلسالار، پاریسه گئده رلر."

لیدی آقاتاسؤروشدی: " دؤغرودان، اؤندا پیس آمریکالیلار هارا گئدیرلر اؤلدوکلری زامان؟"

لؤرد هنریدئدی:" اؤنلار آمریکایا گئده رلر!"

اؤرداکیلار گولدولر و سؤزو آیری شئی لردن باشلاتدیلار. لؤرد هنری بحث ائلیردی و اؤنلاری حیرانائدیردی؛ اؤنلارا قاناد وئریردی، اؤنلاردا آچیق رنگلی گوشلار کیمین اتاقین اطرافیندا اوچوردولار. میز باشیندا اؤلانلار گولماقدان اؤزلریندن گئچیردیر اؤراجانکی داهی لؤرددان چؤخ جیددی اؤلماقین ایستیردیلر. آمما دؤرییان قیرئی گؤزلرین لؤرد هنری دن آییرمیردی.

لؤرد هنری ناهاردان سؤنرا دئدی کی گئدیر پارکا و اُتاقدان چیخماق ایسته یه نده، دؤرییان قیرئی قؤلوندان یاپیشدی. دئدی: " سیز ایله گله بیللم؟"

 لؤرد هنری جاوابلادی: " فیکر ائلیردیم قراردی گئده سن باسیل هالواردی گؤره سن. "

دؤرییان دئدی:" بلی، آمما ایستیرم سیز ایله گلم. لوطفن ایجازه وئرین. ایستیرم کی سیزین دانیشماقیزا گولاق آسام. هئچ کس سیزین کیمین یاخشی دانیشانمیر."

 لؤرد هنری گوله-گوله دئدی: "بوگون یئتَرینجه دانیشدیم. آمما گله بیلرسن اگر ایستیرسن."

عاشیق گئنج آدام

"عشق، هونردنده ماراقلی دیر."

آخشام چاغی ،دؤرییان قیرئی لؤرد هنری ایله گؤروشدی. دؤرییان هیجانلانمیشدی، گؤزلری سئوینجین ده ن ایشیلداییردی.

باشلادی دانیشماقا: " هری، یاشاماقین سیررین تاپمیشام. هر شئیی کی دئمیشدین ائلدیم.عاشیق اؤلموشام!"

لؤرد هنری سؤروشدی ساکینجه: " کیمه عاشیق اؤلموسان؟"

دؤرییان:"بیرقادین اؤیونجی یه."

 لؤرد هنری دئدی: " هر کس بیر قادین اؤیونجییه وورولا بیلر حایاتیندا."

دؤرییان:"یؤخ، هری، اؤ باشقادی. مؤحتشمدی! آدی سیبئل وان (SYBILVANE) دی، اینانیرام بیر گون چؤخ شؤهرتلی قادین اؤیونجی اؤلاجاق.خارقالعاده ذکی دی."

لؤرد هنریدئدی: " منیم بالام، هئچ قادین خارق العاده ذکی اؤلا بیلمز. قادینلار هئچ نه لری یؤخدی دئسینلر، یالنیز گؤزل شکیلده سؤز دییرلر. لندن ده ساده جه بئش قادین وارکی سن ایله دوزگون صحبت ائده بیلرلر. نه ایسه، گؤزل قیزیمیز حاققیندا منه دانیش.نئچه واقت دیر کی تانیرسان بیله سین؟"

دؤرییان:"هری! هر شئیی اؤنون حاققیندا دییه جاقام، آمما سؤز وئرکی گولمییه سن."

 لؤرد هنری دؤرییانین سؤزلرینه گولاق آسدی وگولدی. دؤرییان بیر اَسکی، کوهنه بیر تئاتر لندنین پولسوز خیابانیندا تاپمیشدی.لؤرد هنری یه دئدی او گئتمیشدی اؤرا ماجرا آراسین آمما عاشیق اؤلدی. دؤریـــیان: " نوماییش شکسپییردن، رومئؤ ایله ژولییئت ایدی(ROMEO& JULIET). رومئؤ بیر قؤجا کؤک کیشیدی سَفئه سسینن، آمما ژولییئت! هری، اؤن یئددی یاشیندا، توت قهوه ای ساچی، گول کیمین اوزو واریدی. اؤ لاب سئوملی قیزدی کی من عؤمرومده گؤرموشدوم ، سسی موسیقی کیمین دی.سئویرم، هری. اؤ منیم هر شئییم دی. هر گئجه اؤنی گؤرماقا گئدیرم موختَلیف نوماییش لرده و او همشه تایسیزدی."

لؤرد هنری :" ایندی بیلدیم کی نییه مننن شام یئماقا گلمیردین."

دؤرییان تعجبایله دئدی: " آمما هری، سننن من ، هر گون گؤروشوریک – بیز بیرلیکده ناهار یئییریک. گره ک گئدم و سیبئلی تئاتردا گؤره م هر گئجه. سن و باسیل ده گره ک گلیب اؤنی گؤره سیز. اؤ زامان سنده گؤره جکسن نه قدر مؤحتشم دی. ساباه گلین."

لؤرد هنری: "لاب یاخشی، منیم عزیز دؤرییان. بیز گلیب و سنین ژولییئتی نی ایزلییه جه ییک.آممابیلیرسن هله چؤخ عاشیق اؤلاجاقسان – بو ساده جه باشلانقیچدی."

دؤرییان گئدندن سؤنرا، لؤرد هنری بیله سینه گولدی. فیکیرلشیردی کی بو گئنج اؤغلانی سئیر ائلماق نه قدر حیران ائدیجیدی. دؤرییان داهی باسیل هالواردین ائوینده کی قؤرخان اؤغلان دئیل.چؤخ دَییشیب. گونش آلتیندا کی گول کیمین چیچکلنیب. اؤرگه نیب کی حایاتیندا هرلذذتی یاشاسین. لؤرد هنری اؤزو ایله فخر ائله ییب دئدی:"  منم ، بلی، او کی اؤنا بوجور ائلماقی اورگه تدیمنم."

لؤرد هنری گئجه ائوه قایداندا، بیر مکتوب میزین اوستونده ایدی. یازیلمیشدی کی دؤرییان قیرئی سیبئل وان ایله ائوله نمه یی دوشونور.

سیبئل وان ائوینده اوجا سس ایله دئدی: " آنا، آنا، چؤخ سئوینجلی یم. سنده گره ک سئوینه سن."

 میسیز وان آریق آق اللرینی قیزینین الی اوسته قؤیوب دئدی: " من یالنیز سنی تئاتردا گؤرنده سئوینیرم. بیزیم پولوموز یؤخدی.بیز پولا ائحتیاجیمیز وار اونودما. بیز بو گئنج بئی افندی حاققیندا نه بیلیریک! سن اؤنون اصیل آدین یا دا هر هانسی بیر شئی ین بیلمیرسن."

سیبئل وان: "یؤخ،آمما اؤنی پیرنس چارمینگ(PRANSCHARMING) سسلیرم. اؤ منیم هر شئی یم دی. من اؤنا، اؤ دا منه عاشیق دی. آنا، ایجازه وئر موتلو اؤلاق!"

آناسی دئدی:" عشق اوچون چؤخ جاوانسان." قیزینین گؤزل اوزونه باخدی و چالیشدی اؤنی عشقین تهلوکه سیندن آگاه ائله سین، آمما قیز گولاق آسمیردی. عشقین قفسینده حبس اؤلموشدی.

قیزین قارداشی اُتاقا گیردی. هیکللی، قاراشین بیر کیشی دی، اصلن باجیسینا بَنزَمیردی.

باجیسینا دئدی:" بیر بئی افندی حاققیندا سؤز ائشیتمیشم کی هر گئجه سنی گؤرماقا تئاترا گلیر.کیمدی؟ نه ایستیر؟"

سیبئلدئدی:" جیمز (JAMES)،منه هیسلنمه بوگون. ساباه آووستورالییایا (AUSTRALIA) گئده جک سن، سنین سؤن گونوندی بوردا. گل بیرلیکده پارک دا دؤلاناق.گئدیرهم حاضیرلاشام." قیز اؤینویا- اؤینویا اتاق دان چیخدی ،آناسی ایله قارداشی اؤنون پیلله لری چیخا- چیخا اؤخوماقین ائشیدیردیلر.

 جیمز وان آناسینا طرف چؤنوب دئدی: " تازاایشیم دنیزجی اؤلاراق، منی چؤخ ایللر اینگیلتره دن اوزاخلاشدیراجاق. آمما سیبئلیتک قؤیماق ایسته میرم."

میسیز وان آرام دئدی: " سیبئل اوچون من وارام، آناسی، بیلیرسن."

جیمز وان آناسینین اوزونه درین باخدی و دئدی :" اؤندا اؤننان مواظیب اؤل. اگر او آدام منیم باجیمی اینجیتسه، اؤنو تاپیب، ایت کیمی اولدوره جاقام."

ساباه گئجه سی،لؤرد هنری و باسیل هالوارد دؤرییان قیرئیی گؤزله ییردیلر و سیبئل وان حاققیندا بحثائلیردیلر. باسیل سئوینمه میشدی دؤرییانین ائولنمک سئچیمینه.

باسیل تعجبایله دئدی: " بیر قادین اؤیونجی! آمما دؤرییان بیر بئی افندی دی، لؤردکلسونون نوه سی بیر قادین اؤیونجی ایله ائوله نه بیلمز."

لؤرد هنریساکینجه دئدی: " نییه ده یؤخ؟ آلتی آیدی کی دلی لر کیمی سئویر اؤنی، سؤنراباشقا بیر قادینا عاشیق اؤلاجاق. بونی سئیر ائلماق حیران ائدیجیدی."

دؤرییان یئـــــتیردی و عشقی نین ناغیلین  باسیلــــــه دئدی،بــــاسیل بیراز سئوینیب دؤرییانا دئدی: " دوز دییرسن. اؤ قیز کی سن سئومیسن موکممل اؤلمالیدی. ایندیده ن سنی دییشتیردینی گؤره بیلیرم."

دؤرییان سئوینج ایله دئدی: " بلی، بلی، سیبئل منی دَییشیب. بوندان بئله یاخشی اؤلاجاقام.داهی سنه گولاق آسمییاجام ، هری، سنین تهلوکه لی فیکیرلرینه."

لؤرد هنری گولوب دئدی: " اؤ واقت کی سئوینیریک، همشه یاخشی اؤلاریق، آمما او واقت کییاخشی اؤلاریق، همشه موتلو دئیلیک."

باسیل هالوارد باشینی بو سؤزه دَبتدی. آمما دؤرییان گولوب دئدی: " سن حایاتین سیررین چؤزموسن بو داهیجه سؤزلر ایله، هری."

تئاتر ایزدیحاملی ایدی ، هرکس بیربیریله دانیشیردی، آمما سیبئل وان ظاهیر اؤلان کیمی هاممی ساکیت اؤلدی. اَن گؤزل قیزلاردان بیریدی کی لؤرد هنری ایندییاجان گؤرموش ایدی. لؤرد هنـــــری آرام دئدی: " سئوملی وه گؤزلدی."

سیبئل گؤزل گؤرونسه ده ، اؤنون سسی غیر عادی گولاقا گلیردی. ژولییئت ین سؤزلرینی دییردی، آمما هئچ بو حیس اؤلونموردی. سسی سئویملی ایدی، آمما سؤزلرین گؤزللیقینی یانسیتمیردی.تئاتردا اؤلان اینسانلار اوجا دانیشماقا باشلادیلار، یاریم ساهات دان سؤنرا لؤرد هنری آیاقا دوردی و گئتماقا حاضیرلاشدی.

لؤرد دئدی:" چؤخ گؤزل دی، دؤرییان، آمما بیر اؤیونجی دئیل. گئداق."

باسیل دئدی:"فیکر ائلیره م میس وان خسته اؤلمالیدیر. باشقا گئجه گللیک."

دؤرییان اؤنلارا باخمیردی. ناراحات دئدی: " گئدین، یالنیز قالماق ایستیرم."  دؤستلاری گئده ن آن، اَللرینی اوزونه قؤیدی.

نوماییشنامه غملی سؤنونا چاتیب قورتاراندا، دؤرییان سیبئلی گؤرماقا گئتدی.

 سیبئل عاشیق گؤزلر ایله باخا باخا دئدی: "چؤخ یاخشی ژولییئت دئیلدیم بو گئجه."

دؤرییان دویقوسوزجا دئدی: " سیز دهشتیدیز. دؤســــتلاریم سیخیلدیلار. من سیخیلدیم.فیکر ائدیره م خسته سیز."

 قیز دؤرییانا گولاق آسماییب دئدی: " دؤرییان، سنی تانیمامیشدان اؤنجه ، تئاتر منیم حایاتیم ایدی.دوشونوردوم کی حقیقت بودی، من هئچ نه خَیال دان سؤنرا بیلمیردیم، اؤنلاری گرچکسانیردیم. آمما سن منه حایات و هونرین آراسیندا اؤلان فرقی اورگتدین. نئجه تظاهرائلییه بیللم کی ژولییئتم –  اؤنون کیمی عاشیق اؤلام- ایندی کی بیلمیشم حقیقی عشق نه دیر؟"

 دؤرییان اوزونی اؤندان چئوییب دئدی: " آمماسنی اؤجور سئومیشدیم – چون اینانیلماز اؤیونجی ایدین. سن منیم عشقیمی اؤلدوردون. هونر سیز، سن بیر هئچ سن. سنی بیرداهی گؤرمه ک ایسته میرم."

 سیبئل ین اوزی قورخودان بیاض اؤلوب دئدی: "سن جیددی دئیلسن، هه، دؤرییان؟"  قیز دؤرییانین قؤلون ظریف  و گؤزل اَللری ایله توتدی.

دؤرییان غضبلی باغیردی: " الده یمه منه!"  اؤنیایتَلَدی و قیز یئره دوشدی و قانادی سینمیش گوش کیمین ائله جه قالدی.

قیز آغلییا آغلییا دئدی: " دؤرییان، منی  ترک ائله مه، سنی دونیادا هر شئی دن چؤخ سئویرم. تک قؤیوب گئتمه!"

دؤرییان قیرئی آشاقییا قیزین گؤزل گؤزلرینه باخدی. اوزونده عشق یادا مَحببت اثری یؤخیــــدی. دئــــدی:" گئدیرم. ایسته میرم پیس آدام اؤلام، آمما سنی بیرداهی گورمه ک ایسته میرم." آیری بیر شئی دئمه دن چیخدی گئتدی.

بوتون گئجه لندنین خیابانلارین یؤل گئتدی. سحر اؤلاندا ، ائوه قاییتدی. ائوه گیردی، اؤز پؤرتیره سین کی باسیل هالوارد چکمیشدی گؤردی. اؤنا بئله گلدی پؤرتیره ده بیر شئی لر دییشیب.اوز دییشمیشدی – بیر محببت سیز و ظالیم ایفاده آغیزدا واریدی. بو چؤخ غریب ایدی.

بیر آینا قؤتدیو حقیقی اوزونه باخدی، وه گئنه پؤرتیره ده کی اوزه باخدی. بلی، فرق ائله میشدی. بو دییشماقین معناسی نه ایدی؟

بیردن آرزو ایکی باسیل هالواردین ائودینده ائله میشدی خاطیرلادی – بو کی من گئنج قالا بیلیم، آمما پؤرتیره قؤجالسین. بو ایمکانسیز ایدی، البتته. آمما نییه عکیس ده آغیزبئله محببت سیز و ظالیم ایفاده نی اوزونه آلیب؟

 هه، ظالیم! سیبئل وانا ظولم ائله میشدی؟ قیزینآق، ناراحات اوزون خاطیرلادی اؤ واقت کی قیز آیاقلارینا دوشموشدی. آمما قیـــــزدا دؤرییانی اذییت ائله میشدی. یؤخ، سیبئل وان دؤرییانا بیر هئچ ایدی داهی.

 آمما عکیس دؤرییانا باخیردی ظالیم گولومسه ییش ایله.پؤرتیره دؤرییانا بونو اورگتدیکی اؤز گوزللیقینی سئوسین. اورگت میشدی اؤز اوره گیندن وه روحوندان نیفرت ائله سین؟ یؤخ، اؤ سیبئل وانا قاییداجاقدی. اؤننان ائوله نیب گئنده سئوماقا چالیشاجاقدی. چاره سیز اؤغلان ! نه قدر ظلم ائله دی قیزا ! اؤنلاربیرلیکده موتلو اؤلاجاقلار.

 او عکیسین قیزلتدی وه اتاقدان هیزلی چیخدی.

عشقین اؤلومی

" گؤزل اؤلماق یاخشی اؤلماقدان یاخشی دی."

دؤرییان یوخودان دوراندا ناهار چاغین گئچمیشدی. نؤکری چای ایله مکتوبلاری گتیردی، آممادؤرییان اؤنلاری اؤخومادی. دونن پیس کابوس کیمین ایدی ، آمما پیلله دن آشاقی گئدنده اوستی اؤرتولی پؤرتیره نی گؤردی. "اوستون آچمالییدی؟" اؤزو ایله فیکیرلشدی. "عکیسده کی اوز گرچکدن دییشمیشدی؟" بیلمه ک ایستیردی. بیر سیگارت یاندیردی و بیراز دوشوندی.گره ک باخایدی. اؤرتونی قؤوزادی.

سهو دئیلدی.پؤرتیره حقیقتن دییشمیشدی. بونی آچیخلایان میردی ، آنلایانمیردی. بو ایمکان سیزبیر شئی دی آمما اؤلموشدی.

دؤرییانناراحات اؤلدی. بیلمیردی نیله سین، یا نه فیکیرلشسین. اؤتوروب سیبئل وانا مکتوب یازدی. مکتوبی عشق دؤلی سؤزلر ایله دؤلدوردی. بیردن ، لؤرد هنری نین سسین قاپیدا ائشیتدی. دؤرییان آیاقا دوردی پؤرتیره نین اوستون چکدی.

 لؤرد هنری ایچریه گیردی: " چؤخ ناراحاتام.آمما گره ک چؤخ فیکیرلشمییه سن."

دؤرییان سؤروشدی:" منظورون سیبئل وان دی؟ بوندا ناراحات اؤلاجاق بیر شئی یؤخدی. یاخشی اؤلماق ایستیرم،موتلو اؤلماقا قرار وئرمیشم. من سیبئل وان ایله ائولنمه لییم. اؤز عهدیمی سیندیرمامالییام."

لؤرد هنری دؤرییانا باخدی: " سیبئل وان ایله ائوله نمک! مکتوبومی آلمامیسان؟"

دؤرییان یاواشجا دئدی: " مکتوبلاری بوگون اؤخومامیشام."

لؤرد هنریدؤرییانا طرف آددیم آتدی و اَللرینی توتدی. ساکینجه دئدی: " دؤرییان، قؤرخما – مکتوبدا یازمیشدیم کی سیبئل وان اؤلوب. اؤزونی گئچن گئجه تئاتردا اؤلدوروب."

دؤرییان قیشقیردی: " یؤخ، یؤخ، بو ایمکانسیزدی!" لؤرد هنری نین الین کَنارا آتدیو اؤنا غضبلی باخدی. " بو دهشت دی، هری. سیبئل وانی اؤلدوردوم!"

 لؤرد هنری آرام دئدی: " اؤ اؤزونی اؤلدوروب.سن اؤنی اؤلدورمه میسن. اؤزونی اؤلدوروب چونکی سنی سئویردی. بو بدبخت حادیثه دی،البتته، بونا گؤره چؤخ فیکر ائلمه مه لیسن. مننن گلیب شام یئمه لیسن."

دؤرییان: "هری،گولاق آس. گئچن گئجه بیله سینه دئدیم بیر داهی اؤنی گؤرمه ک ایسته میرم آمما اؤنی ترک ائلییه ندن سؤنرا ، نه قدر ظالیم اؤلدوقومی آنلادیم. قرار وئردیم قاییدیب،ائولَنیم بیله سینن . آمما ایندی اؤلوب! هری، نئینه مه لییم؟ منیم نئجه تهلوکده اؤلدوقومی بیلمیرسن."

لؤرد هنریدئدی: " منیم عزیز دؤرییان، سیبئل وان ایله ائوله نمک سنه گؤره دئیلدی. یؤخ،یؤخ ... او تیپ ائولیلیک لر خؤشباختلیقا چاتمیر، آدام تئز ناراحات و حؤصله سیز اؤلور.البتته، اؤز خانیمینا مهریبان اؤلابیلر. بیز همشه آداملارینان کی بیزی جذب ائتمه ییرلر مهریبان اؤلاریق. قادین تئز آنلاییرکی اَری اؤنی سئویر یا یؤخ، یا قیسقانچ بیری اؤلار،یادا باهالی بؤرکلر باشینا قؤیارکی آیری اَری گره ک اؤنا آلامیش اؤلا."

اؤغلان اُتاقیآشاقی اوست گئدیب گلیردی. ناراحات دئدی: " فیکر ائلدیم اؤ حقیقت دی. آمماهری، من اؤزومی ظالیم بیلمیرم. سنجه؟"

 لؤرد هنری گولوب دئدی: " قیزا سؤزلری کی ایستیردی ائشیده دئمیسن." سؤنرا ماراقلی ناغیل لاریندان بیرین دئدی بیر قادین حاققیندا کی سئویردی. دئدی: " سیبئل وانین اؤلومی بیرگؤزل قورتولوش ایدی اؤنون کیمین اؤیونجی نین عشق ناغیلینا." داوام ائتدی: " او قیز هئچ واقت حقیقی یاشامادی. اؤنا گؤره گرچکده هئچ واقت اؤلمه یه جاق. سیبئل وان اوچون آغلاما. او ژولییئت دن ده آز گرچک ایدی."

دؤرییان قیرئی هری یه باخدی و یاواشجا دئدی: " سن منی اؤزومه تانیتدیریرسان، هری. نه یاخشیمنی تانیرسان! آمما بیز داهی بو باره ده دانیشمییاق. بو منیم اوچون گؤزل درس اؤلدی.باخ بئله."

 لؤرد هنری گئدندن سؤنرا، دؤرییان گئنه پؤرتیره نین اؤرتوسون آچدی. فیکیرلشدی، مجبوردی یاخشینان پیس حایاتین آراسیندا بیرین سئچه.آمما سؤنرا آنلادی کی قاباقجا سئچیبدی. اؤ سونسوزا قدر گئنج قالاجاق، وه هر لذذتدن کی حایات بیله سینه وئرجاقدی حظ آپاراجاق. پؤرتیره ده کی اوز قؤجالاجاقدی،چیرکین و ظالیم اؤلاجاقدی، آمما اؤ سونسوزا قدر گؤزل قالاجاقدی. پؤرتیره نین اؤرتوسون یئندیریب گولدی.

 بیر ساهات سؤنرا لؤرد هنری نین ائوینده ایدی وهری اؤنی گؤرنده گولومسدی.

دؤرییان ساباه سحرلیگینی یئییردی کی باسیل هالوارد اؤنی گؤرماقا گلدی.

باسیل جیددی دئدی: " آخیر کی سنی تاپدیم، دؤرییان. گئچن گئجه گلدیم، نؤکرلر دئدیلر کی دؤستلارینانشاما گئتمیسن. بیلدیم کی دوز دئمیرلر. ایستیردیم دییم کی نه قدر سیبئل وان اوچون ناراحات اؤلدوم. یازیق قیز!"

دؤرییان دئدی:" منیم عزیز باسیل " سیخیلمیش کیمی باخدی، " دونن گئجه لؤرد هنری نین ائوینده ایدیم. چؤخ گؤزل آخشام ایدی."

باسیل اؤنا باخیب دئدی: " شاما گئتمیشدین؟ شام یئماقا گئتمیشدین اؤندا کی سیبئل وان کثیف تئاتردا اؤلو اوزانمیش قالمیشدی؟"

دؤرییان آیاقا دوردی: " ساخلا باسیل! سنه گولاق آسماق ایسته میرم! سیبئل وان گئچمیشده قالدی... قورتاردی ... اونود گئتسین."

باسیل دئدی:" دَییشیبسن، دؤرییان. گئنه ده گؤزل اوزون وار، آمما هاردا مِهریبان و معریفتلی اؤغلان کی منیم رسمیم اوچون اؤتوموش ایدی؟ سنین اوره گین یؤخ دی؟"

دؤرییان:"دونن اوره گیم غم ایله دؤلموشدی. سیبئل اوچون آغلادیم، بلی، آمما بوگون آغلایانمارام. دَییشمیشم، باسیل. ایندی کیشی اؤلموشام، یئنی حیسلر ایله، یئنی دوشونجه لر ایله. منی دانلاما . بویام کی وارام. داهی آیری بیر شئی یؤخومدی دانیشماقا.

باسیل اؤنا ناراحات باخدیب دئدی: " یاخشی، دؤرییان، بیر داهی یازیق سیبئل حاققیندا دانیشمییه جاقام.آمما یاخین زامان دا گلرسن آیری پؤرتیره اوچون بیرلیکده ایشلییاق؟"

دؤرییان تئز جاوابلادی: " یؤخ، اصلن، ایمکانسیزدی."

باسیل شاشیبدئدی: " آمما نییه؟" باسیل پؤرتیره یه ساری آددیم آتیب دئدی: "نییه پؤرتیره نین اوستون اؤرتموسن؟"

دؤرییان قؤرخودان باغیردی و باسیل ایله پؤرتیره نین آراسینا گیردی: " یؤخ، باسیل!اؤنا باخمامالیسان. گؤرماقینی ایسته میرم." دؤرییانین رنگی آتمیشدی، داوامائلدی: " اگر چالیشاسان کی اؤنا باخاسان، بیر داهی سننن دانیشمییاجاقام."

رسسام دؤرییانا باخیب سؤروشدی: " نییه اؤز رسمیمه باخا بیلمرم؟ نظریمده وار اؤنی هونر گالریسینه پاریسه آپارام تئزلیکله.

دؤرییان قؤرخوسونی گیزلتماقا چالیشدی، دئدی: " آمما دئمیشدین – دئمیشدین کی پؤرتیره نی هئچ واقت  گالرییه آپارمییاجاقسان. نییه فیکیرینی دَییشدیردین؟ " دؤرییان باسیله یاخینناشدی و اوزونه باخیب دئدی:" دئنن نییه؟"

باسیل دونره ک اوزاخلاشدی، آرام دئدی: "ائله بیل کی سنده پؤرتیره ده عجیب شئی لر اؤلدوقونی دَرک ائله میسن. دؤرییان ،سننن گؤروشندن منیم حایاتیم رسسام اؤلاراق دَییشیب. منیم اوچون اؤنملی سن کی بوپؤرتیره نی رسم ائله دیم، سنین حاققیندا دوشونمه دن ائلییه نمیرم. اؤ زامان کی بوپؤرتیره نی رســم ائله دیم، حیس ائله دیم کی اؤزومدن چؤخ شئی قاتمیشام. ایجازه وئرهنمَرم کی باشقالاری اؤنــــی گؤره لر." بیراز سوسدی، سؤنرا قاییتدی دؤرییانا طرف : " شاید دوز دِییرسن. بو پـــؤرتیره نی گؤستَرَنمه رم. آمما ایجازه وئرَرسن گئنه ده اؤنا باخام؟"

دؤرییان :"یؤخ، اصلن!"

رسسام ناراحاتلیقدان گولوب دئدی: " یاخشی ، ایندی سیرریمی دییه جاقام. آنلاماقا چالیش، دؤرییان. سن تک اینسانسان حایاتیمدا کی منیم هونریمه داخیل اؤلموسان."

باسیل اُتاقدان چیخاندان سؤنرا، دؤرییان قیرئی اؤنا گولدی. نه قدر تهلوکه لی لحظه ایدی کی گئچدی!یازیق باسیل! اؤز سیررینی آچدی آمما گئنه ده دؤرییانین سیررینی بیلمه دی. آمما عکیس... دؤرییـــان گره ک تئز اؤنی گیزلده. هئچ کس اؤنی بیر داهی گؤرمَه مه لیدی.

پؤرتیره نین اوستون اؤرتوب پیلله لردن یوخاری آپاریب بیر بالاجا اتاقا - ائوین لاب اوست قاتیندا- قؤیدی. سؤنرا قاپینی قیفیللادی وه آچاریندا اؤزونده ساخلادی. ایندی امنیت حیس ائدیردی، چونکی یالنیز اؤز گؤزلریدی کی وحشتلی دَییشمه لری گؤزل اوزده گؤروردی.

پیلله لردن آشاقی اتاقا قاییتدی ، لؤرد هنری نین امانت وئردیقی کیتابی الینه قؤتدی، اؤتدی وه اؤخوماقا باشلادی.

ناغیل بیر فرانسه لی کیشی حاققیندایدی کی عؤمرونی گؤزللیق وه لذذتی آختارماق یؤلوندا قؤیدی – هر نوع لذذت هم یاخشی هم ده پیس. دؤرییان ساهاتلارجا اؤخودی. قؤرخونج بیر کیتابدی، عجیب فیکرلر و تهلوکه لی آرزولارلا دؤلی- آرزولاریکی یاواش یاواش دؤرییان اوچون گرچک اؤلوردولار.

دؤرییان بو کیتابی دفعه لرله اؤخودی. کیتابی اؤخوماقدان ال چکنمیردی، ایللر گئچدیکجه ، کیتاب اؤنا داهی چؤخ ماراقلی اؤلوردی. حیس ائدیردیکی فرانسه لی کیشینین حایاتی اؤنون اؤزحایاتینین آیناسیدی.

زامان اؤغورراماق

"من جاوان، قوجلی، گؤزل اؤلاجاقام سؤنسوزا قدر."

 ایللر گئچدی.

 آمما زامان دؤرییان قیرئی ین گؤزللیقینا دَیمَدی.

 مؤحتشم گؤزللیق –  کی باسیل هالوارد چکمیشدی – اؤنی ترک ائتمه دی.

دؤرییان ثیروت لیوه یاراشیخلی بیر گئنج کیشی کیمین حایاتیندان لذذت آپاریردی. موســـیقــــی اورگه شیردی،ائوین دونیانین هر طرفیندن گؤزل شئی لر ایله دؤلدوروردی. آمما اؤنون آختاریشی لذذت اوچون اؤردا قالمادی. شیطانی لذذت لره اوز گتیردی. گون گئچدیکجه اؤز گؤزللیقی ایله فخر ائدیردی، روح چیرکینلیقی ایله ماراقلانیردی.

نئچه زامان سؤنرا عجیب ناغیللار اؤنون حاققیندا ائشیدیلیردی – سیر ناغیلی، چؤخ تهلوکه لی حایات. آمما میللت گئنج وه یاراشیخلی اوزونه باخاندا، شیطانی ناغیللارا اینانا بیلمیردیلر. اؤنلار هلده اؤنون ائوینه قؤناق گئدیردیلر، دؤرییانین ائوینده اؤلان یئمه ک، موسیقی، دانیشیقلار أن یاخشی سه وییه دَیدی لندن ده.

آمما ائوین اَناوست اتاقیندا قیفیللی قاپینین دالیسیندا، دؤرییان قیرئی ین پؤرتیره سی هر ایل قؤجالیردی. قؤرخونج اوز دؤرییانین حایاتینین قارانلیق سیرلرینی گؤسته ریردی. ساللانان آغیز، سارالمیش جیلد، ظالیم گؤزلر – حقیقی ناغیلی دِییردیلر.دفعه لرله، دؤرییان قیرئی گئدیردی گیزلیجه اُتاقا وه چیرکین وه قؤرخونج اوزه پؤرتیره ده باخیردی، سؤنرا دالیسیندا کی گئنج اوزه کی آینادا گولومسه ییردی باخیردی.

دؤرییانین 25 اینجی یاشیندان سؤنرا، ناغیللار اؤنون حاققیندا لاب پیس اؤلدولار. بعضی واقتلار گونلرله ائوده ن ائشیکده اؤلوردی؛ یابانجی بالیقچی لارینان مِیخانادا ساواشیردی؛اؤغوررولارلا یؤلداشیدی. تانینمیش آداملارین ائوینه گئدنده بعضی آداملار چیخیب گئدیردیلر. قادینلارین اوزی بعضی واقتلار آق اؤلوردی قؤرخودان اؤ زامان کی دؤرییانین آدین ائشیدیردیلر.

آمما چؤخ آداملار یالنیز بو ناغیللارا گولوردولر. دؤرییان هله ده پوللی و یاراشیخلی کیشیدی،شام قوناقلیقلاری ائوینده مؤحتشم اؤلوردی. آداملار لؤرد هنری ایله بیرفیکیرلشیردیلر، بیر دفعه لؤرد هنری ظارافاتینان دئدی: "یاخشی شام یاخشی یاشاییشدان اؤنملی دیر."

آیلار و ایللرگئچه-گئچه ، دؤرییان قیرئی پؤرتیره دن لاب چؤخ قؤرخماقا باشلادی. هم نیفرت ائدیردی؛ همده اؤنی سئویردی، بوندان لاب قؤرخوردی کی سیرلرینی بیری کشف ائلییه.هفته لرله اؤنا یاخینناشماقا چالیشمیردی، آمما اوزون مُددت اؤندان اوزاق قالا بیلمهدی. بعضی واقتلار دؤستلارین ائوینده قالاندا، بیردن اؤردان آیریلیب لندنه قاییدیردی.او ایستیردی مطمئن اؤلا کی اُتاق هله ده قیفیللی دی وه پؤرتیره ده اَمان دادی. بیرزامانلار عادت ائله میشدی قیشی لؤرد هنری ایله بالاجا بیر ائوده الجزایر ده قالا،آمما ایندی چؤخدان دی اینگیلتره دن ائشییه سفره گئتمیر.

قؤرخوسی هر ایل آرتیر وه  زامان گئچدیکجه، اوزی پؤرتیره ده یاواش یاواش وحشتلی حالا دوشور.

دؤرییان قیرئین پؤرتیره سی- ایکینجی قیسمت

قاتیلین اَلی

" پؤرتیره نین اوستون آچ ، منیم روحومی گؤره جکسن"

نؤیابرین (قیرووآیی) دوققوزویدی، آخشام دؤرییانین اؤتوز سککیزیمجی دؤغوم گونوندن قاباق، اؤ لؤردهنری نین ائویندن ائوینه قاییداندا باسیل هالواردی گؤردی. عجاییب قؤرخدی وه اوزونه گتیرمه دی، ائله بیل کی اؤنی گؤرمه میشدی، آمما باسیل اؤنا طرف قاچدی.

 باسیل سسله دی: " دؤرییان! نه غیر عادی شانس دی! گئجه یاریسینا پاریسه قاطار بیلئتی آلمیشـــام وه گئتمه دن قاباق سنیگؤرمه ک ایستیردیم. من آلتی آی اینگیلتره دن اوزاخلاشاجاقام." اَلینی دؤرییانین چینینه قؤیدی: " باخ، ائوینه یاخینیق. بیر دقیقه سیزه گله بیللم؟ بعضی سؤزلریم وار کی گره ک دییم."

دؤرییان پیلله لری قاپیسینا طرف چیخاندا دئدی : " البتته، آمما قاطاردان قالمییاسان؟"

باسیل: "چؤخ واقتیم وار. ساهات اؤن بیرده دی حرکت." اؤنلار ایچری گئچدیلر و شؤمینه نین یانیندا اؤتدولار.

باسیل باشلادی:" یاخشی، عزیز دؤرییان، سننن جیددی دانیشماق ایستیرم. من دئمه لییم کی لندنده آداملار سنین حاققیندا چؤخ دهشتلی شئی لر دییرلر."

دؤرییان بیرسیگارت آلیشدیردی و سیخیلمیش کیمین باخیب دئدی: " من هئــــچ نه بو حاقدابیلمه ک ایسته میرم. ماراقلانمیرام."

باسیل دئدی:" آمما گره ک ماراقلاناسان، دؤرییان. هر بئی افندی اؤز یاخشی آدی ایله تانیلار. البتته ، سنه باخاندا، بیلیرم بوناغیللار دوز اؤلا بیلمز. کیشی نین اوزو حایاتینین یاخشی یا پیس اؤلدوقونی گؤسترَر.آمما نییه لؤرد بئرویک (LORD BERWICK)اُتاقی ترک ائلدی، سن ایچری گیرَن ده؟ نییه لؤرد اِستاوئلی (LORDSTAVELEY) دئدی هئچ صادیق قادین سنین اَلیندن اَماندا دئیل؟ اؤ گئنج سرباز، سنین دوستون ایدی – نییه اؤزونی اؤلدوردی؟بیر سِر هنری آشتون (SIRHENRY ASHTON)  واری دیکی، مجبور اؤلدی پیس آدینان اینگیلتره نیترک ائله سین.  نه خبر لؤرد کنت - (LORD KENT)ین اؤغلوندان؟ نئجه حایاتی وار ایندی اؤنون؟"

دؤرییان:" ساخلا، باسیل. سن نه دانیشتیقینی بیلمیسن." دؤرییان سؤیوق قانلیلیق ایله دئدی: " من بو آداملارا اؤرگه تمیشم کی نئجه حایاتلارین یاشاسینلار؟ بوناغیللاری دییه نلر مندن یاخشی حایاتلاری وار؟"

باسیل داوامائتدی: " آیری ناغیللاردا وار. اؤنلار حقیقتدی؟ سنین حایاتین بو قدر پیس ودهشتلی اؤلا بیلر؟ سن قاباقجا یاخشی گئنج اؤغلان ایدین، آمما ایندی، ناغیللاری ائشیدن واقتدان، اؤزوم ایله دییرم ... هئچ سنی تانیمامیشام؟ گرچک دؤرییانا نه اؤلوب؟فیکر ائلیرم بو سؤرولارین جاوابین آختارماق اوچون سنین روحونی آنلامالییام."

دؤرییان تئزسؤروشدی قؤرخودان آقارمیش اوز ایله: " حقیقی دؤرییان قیرئی؟"

رسسام ناراحاتدئدی: " بلی، آمما یالنیز تانری سنین روحونی گؤره بیلر."

قؤرخونج بیر نقشه گلدی دؤرییانین بئینینه گولوب اوجا دئدی: " گل ، باسیل. گل مننن! سنه گؤستره جاقام یالنیز تانرینین گؤره بیلدیقینی. نییه ده یؤخ؟ اؤ سنین اؤز رسمیندی. یئترینجه شیطانی ایشلر حاققیندا دانیشدین. ایندی گره ک اؤنا باخاسان."

باسیلی پیلله لردن یوخاری قیفیلی اُتاقا آپاردی. ایچرده، او رسساما چؤندی، گولن آغیز وه سؤیوق ،دویقوسوز گؤزلر ایله. دئدی : " سن دونیادا تک آدامسان کی گره ک سیرریمی بیله سن.مطمئن سن کی ایستیرسن بیله سن؟ "

باسیل:"بلی."

دؤرییان:"یاخشی، پؤرتیره نین اوستون آچ، باسیل، سن منیم روحومی گؤره جاقسان."

رسسام قؤرخودان قیشقیردی پؤرتیره نین دهشتلی اوزونی گؤرن ده. نئجه بو شیطانی وه سئویمسیز اوز دؤرییان قیرئی ین اؤلا بیلردی؟ آمما بلی، اؤنون کی دی. پؤرتیره یه یاخینلاشدی. بوپؤرتیره نی اؤ چکمیشدی اؤلا بیلمزدی. اؤنون آدی پؤرتیره نین قیراقیندا یازیلمیشدی.دؤرییانا چؤنوب وه درمانسیز آدام کیمین باخدی.

سؤروشدی:" بونون معناسی نه دی؟"

دؤرییان دئدی:" پؤرتیره نی قورتاراندا بیر دیلک توتدوم..."

 باسیل دئدی: " خاطیرلـــــیرام. بلی، سن آرزولادین کی پؤرتیره قؤجالسین، سنده گئنج قالا بیله سن. آمما بو ..."  یئنیدن پؤرتیره یه باخدی " بو ایمکانسیزدی.سن دئدین کی پؤرتیره نی محو ائده جکسن."

 دؤرییان: " بو منیم یالنیشیم دی. اؤ منیخاراب ائله دی."

رسسام اوجادئدی: " تانریم، دؤرییان! اگر بو حقیقت ایسه ...اگر بو سنین روحونون اوزی سه،سن ناغیل لارداکی دؤرییاندان دا لاب چؤخ گناهکارسان." او میزین اوستونده اؤتدی و اَللــــرین اوزونـــــه قــؤیدی. " سن گره ک تانریدان یاردیم طلبائلییه سن."

 دؤرییان: " چوخ گئج دی، باسیل."

باسیل:"هئچ واقت گئج دئییل ، دؤرییان. بو دهشتلی اوزه باخ... اؤنا باخ!"

دؤرییان چؤندیو پؤرتیره ده کی اوزه باخدی، بیردن باسیلدن عؤمرونده هئچ کیمدن ائله مه دیقی قدر نیفرت ائله دی. باسیل ایندی اؤنون سیررین بیلیردی، حقیقی دؤرییان قیرئیی گؤرموشدی.وحشیلیق حیس لری دؤرییان ایچینده آلؤولاندی. میزدن بیر پیچاق قؤتدی. سؤنرا ایچینده کی نیفرت پاتلادی، وه وحشی حیوانا تای، باسیله طرف قاچدی، پیچاقی رسسامین بؤینوناساپلادی، نئچه دفعه بو ایشی تیکرار ائله دی. اؤلدورولن آدامین باشی قاباقا اَییلدی،وه قان یاواشجا میزدن آخدی، وه اُتاقین کفینه داملادی.

دؤرییان دوردیو گولاق آسدی. هئچ نه ائشیدمیردی – یالنیز یئره تؤکولن – قانین داملا سسله رین.پنجره یه طرف گئتدی و آشاقی خیابانا باخدی. او عجاییب ساکینلشدی. یؤلداشی کیپؤرتیره سین چکمیشدی آرتیق حایاتیندا دئییل دی. دا قوتاردی.

قاپینی اُتاقدان چیخاندا باغلادی وه ساکینجه پیلله لردن آشاقی گئتدی. نؤکرلری هامیسی یوخلامیشدیلار. اؤتدی و فیکیرلشماقا باشلادی. هئچ کس باسیلی  بو گئجه دؤرییانین ائوینده گؤرمه میشدی.اؤزیــله دئدی: "پاریس. بلی! باسیل پاریسه گئدیب، یانی آلتی آیاجان هئچ کس سؤروشمییه جاق کی باسیل هاردا. آلتی آی! بو قدرزامان ایسته دیقیمدن ده چؤخدی."

سؤنرا میزیناوستونده کی تلفون دفترین قؤتدی. آلن کمپل(ALANCAMPBELL) . بلی، بو آختاردیقی آدی دی.

ساباه سحر دؤرییان ایکی مکتوب یازدی. بیرینی جیبینه قؤیدی، اؤ بیرینده نؤکرینه وئریب دئدی: "تئز بونی آپار وئر میستر کمپل ین ائوینه."

دؤرییان بَکله دی، بیر کیتاب قؤتدی وه اؤخوماقا چالیشدی. آمما بیرده ن کیتاب اَلیندن دوشدی.اؤزیله دئدی:" بلکه آلن کمپل اینگیلتره دن گئدیبدی. شاید گلمکدن وازگئچه." آلن چؤخ ذکی محققیق ایدی، بئش ایل اؤنجه اؤ و دؤرییان یاخشی دؤستیدیلر. آمما ایندی آلن دؤرییانی گؤره نده داهی گولموردی.

هر دقیقه دؤرییان اوچون بیر ساهات گئچیردی، آمما آخیردا قاپی آچیلدی. دؤرییان گولدی دئدی: "آلن! گلدیقین اوچون ساق اؤل."

آلن کمپل دئدی:" من بیرده سنین ائوینه آیاق قؤیماق ایسته میردیم، آمما سن مکتوبدا یازمیشدین کی بو اؤلوم قالیم مسئله سیدی." اؤ قوری و قاشقاباخلی دانیشیردی.

دؤرییان:"بلی، آلن، اؤجوردی. لوطفن اَیلَش." میز باشیندا ایکی کیشی باخیشدیلار بیربیرنه. دؤرییان نئچه لحظه ساکیتیدی؛ سؤنرا، آرام دئدی: " آلن، اوسته کی قیفیللی اُتاقدا بیر اؤلو وار. من اؤنی یؤخ ائتمه ک ایستیرم. گره ک اؤندان هئچ نه قالمییا. بیلیرم کی سن بونی ائلییه بیلرسن."

کمپل دئدی:" سنین قؤرخونج سیررینی بیلمه ک ایسته میرم. سنه یاردیم ائتمییه جاقام."

دؤرییان ناراحات گولدی: " آمما گره ک یاردیم ائلییه سن، آلن. سن تک آدامسان کی منه یاردیم ائلییه بیلرسن." او بیر تیکه کاغاذ قؤتدی، بیر شئی لر یازدی اوستونده، وه کاغاذی میز اوستونده زویدوروب ایتلدی کمپله طرف.

 کمپل کاغاذی اؤخویاندا، اوزی بیاض اؤلدی.دؤرییانا نیفرت وه گؤزلرینده قؤرخو ایله باخدی. دؤرییان آرام دئدی: " سنین اوچون ناراحاتام، آلن. بیر مکتوب یازمیشام، وه اگر یاردیم ائلمه سن، مجبورام اؤنی یوللییام. آمما فیکر ائلیرم کی یاردیم ائلییه جاقسان."

کمپل اَللرینی اوزونه قؤیدی، اوزون مددت دانیشمادی. دؤرییان بکله دی.

کمپل آخیردا دئدی: " بعضی شئی لره نیازیم وار ائوده ن گتیرم."

دؤرییان نؤکرین یؤللادی کمپل ین ایسته دیقی شئی لری گتیرسین،  ایکی کیشی ساکیتجه بکله دیلر. نؤکر قاییتدی، دؤرییان آلنی اوسته قیفیللی اُتاقا طرف آپاردی. اُتاقا گیردیک لری زامان، دؤریــــیان یـــادینا گلدی پؤرتیره نین اوستو آچیقدی. چؤنوب پؤرتیره نین اوستون چکدی، قؤرخو ایله دوردیو باخدی. عکیس ده کی اَللرده ن بیری قانا بولانمیش ایدی. دؤرییانا گؤره ، بو اؤلوده ن ده دهشتلی دی. تیتره ک اَللر ایــــله، تئز پؤرتیره نین اوستون چکدی.

کمپل دئدی:" ایندی اُتاقی ترک ائله."

بئش ساهات سؤنرا کمپل آشاقییا قاییتدی. دئدی: " مندن ایسته دیقین هر شئیی ائله دیم. ایندیگئدیرم. داهی هئچ واقت سنی گؤرمه ک ایسته میرم."

کمپل گئده ندن سؤنرا ، دؤرییان یوخاری چیخدی. اُتاقدا قؤرخونج قؤخو واریدی، آمما اؤلودن اثر یؤخیدی.

بالیقچی

" من اؤ کیشی نی تاپیب، ایت کیمی اولدوره جاقام."

همان گونآخشامدان سؤنرا دؤرییان قیرئی بیر قوناقلیقدا ایدی. گولوب دانیشیردی، همشه کیمیجاوان و یاراشیخلی گؤرسنیردی. باشی آغریردی و شامدا بیر شئی یییه نمه دی. لؤردسؤروشاندا: " یاخشیسان یا یؤخ؟" دؤرییان دئدی: " من یؤرقونام و تئز ائوه قاییتمالییام."

ائوده اؤزونیپیس حیس ائلدی. اُتاق ایستی اؤلا اؤلا، اَللری تیتره ییردی. هر شئیی اونودماق ایستیردی– ایستیردی گرچک حایاتینین زیندانیندانقاچا، وه خیالدا بؤغولا.

گئجه یاریسی،کثیف لیباس ایله ، ائوی ترک ائله دی گئنه وه لندنین دؤغودا  کی سؤن نقطه سینه طرف گئتدی. اؤردا  یئرلر بیلیردی کی اؤلاردا تریاک آلا بیلردی – قارانلیق، شیطانی یئرلرکی اؤردا آداملار دهشتلی تریاک مادده سینی آلیب ساتیردیلار. قاباقجا چؤخراق اؤرا گئتمیشدی.

ایسته دیقی ائوی تاپدی وه ایچری گیردی- سقفی آلچاق اوزون بیر ائو. کیشی لر کثیف کفینده اوزانمیشدیلار، بالیقچی جیمز وان میزین اوستونده یاتمیشدی وه ایکی قادین میخاندا ایچکی ایچیردیلر. دؤرییان اَنسیز پیلله لری تلسه تلسه چیخاندا ، شیرین ، آغیرتریاک ایسی بورنونا دَیدی، بو ای اؤنی موتلو ائله ییب اؤنی گولدوردی. آمما اتاقدابیر گئنج اؤغلانی گؤردی کی بیر زامان دؤستو ایدی. اوزاخلاشدی وه آشاقییا گئتدی بیرشئی لر ایچه.

قادینلاردانبیری اوننان دانیشدی.

 دؤرییان هیسلی دئدی: " مننن دانیشما" قاپی طرفینه گئتدی.

 قادین دؤرییانا اوجا دئدی: " سنی خاطیرلیرام! سن پیرنس چارمینگ سن، دوزدی؟"

یاتان جیمز واندوردی بو آدی ائشیدنده ، دؤرییان ائوی ترک ائلییه نده اؤ دا دالیسینجا قاچدی.

دؤرییان هیزلی جادده ده یئریردی، آمما بیر کُونجه چاتاندا، ایکی اَل بؤینون توتدی. بیر کیشی اؤنی دالییا چکدی وه دیوارا دایادی. دؤرییان چابالادی، اؤنی اوزاخلاتماقا چالیشدی. تاپانچانی اؤنون الینده گؤردی.

دؤرییان تئز دئدی: " نه ایستیرسن؟"

 کیشی دئدی: " ساکیت اول. اگر حرکت ائله سن،سنه آتش آچاجاقام."

دؤرییان: "سن دلی سن. من سنه نئیله میشم؟"

بالیقچی دئدی:" سن سیبل وانین حایاتین خاراب ائله میسن. سیبل وان منیم باجیم ایدی. اؤزونی سنین اوچون اؤلدوردی. سنی آختاریردیم ایللرجه، آمما یالنیز اؤ قادینین ایشلتدیقی آدی بیلیردیم – پرنس چارمینگ. یاخشی سنین آدینی ائشیتدیم، بو گئجه اؤله جاقسان."

دؤرییان قیرئی قؤرخودان اؤزونی ایتیردی. اوجا دئدی: " اؤنی تانیمیردیم. آدینی ائشیتمه میشم.سن دلی سن." بیردن بئینینه بیر فیکیر گلدی. سؤروشدی: " نه قدر اؤلارکیسنین باجین اؤلوب؟"

 جیمز وان دئدی: " اون سککیز ایل قاباق. نه اوچون سؤروشدون؟"

دؤرییان قیرئی گولدی: " اون سککیز ایل! منی ایشیقین آلتینا آپار و اوزومه باخ."

جیمز وان دؤرییانی ایشیقا طرف ایته لدی، ایشیقین آلتیندا ایرمی یاشینداکی اؤغلانین اوزون گؤردی.دؤرییان چؤخ گئنج ایدی. بالیقچی اؤزیله دئدی: "  بو من آختاران کیشی اؤلانماز، منیم باجیمین حایاتین کؤرلییان کیشی بو دئیل."

جیمز وان اوجادئدی: "تانریم! من آز قالسین سنی اؤلدوره جاقدیم!"

دؤرییان دئدی: "گئت ائوه ، تاپانچاندان اوزاق اؤل، موشکوله دوشمه میشدن قاباق."دؤرییان تئز اؤردان اوزاخلاشدی.

جیمز وان وحشتله اؤنا باخدی. سؤنرا بیر قادین اَلی جیمز وانین قؤلون توتدی.

 قادین دئدی: " نییه اؤنی اؤلدورمدین؟ اوپیس آدامدی."

بالیقچی دئدی:" اؤ من آختاران آدام دئیلدی. اؤ آدام گره ک قیرخ یاشیندا اؤلا ایندی. من توتان آدام یالنیز بیر اؤغلان ایدی."

قادین گولدی:" بیر اؤغلان؟ اؤنون سسی قالین ایدی. اؤن سککیز ایلدی کی من پیرنس چارمینگی گؤرورم. اؤنون اوزی هئچ زامان دَییشمه ییب. بو حقیقتدی، سؤز وئرم سنه."

جیمز وان خیابانا طرف قاچدی، آمما دؤرییان قیرئی غیب اؤلموشدی.

بیر هفته سؤنرا دؤرییان قیرئی اؤز ائوینده ایدی کَند ده، اؤردا کی لؤرد هنری وه آیری موختلیف دؤستلاریندا چاغیرمیشدی. اؤنلارین آراسیندا گؤزل لیدی مانماوس( LADY MONMOUTH) وه اؤنون قؤجا اَری ده  واریدی. لیدی مانماوس ذکی وه شاد اینسانیدی، دؤرییان قیرئیی آنلاشیلان چؤخ سئویردی. بیر گون ناهار چاغی،چایلاشان زامان، گولوب دانیشیردیلار، دؤرییان گئدیب لیدی مانماوسین البیسه سیاوچون گول گتیردی. لؤرد هنری لیدی مانماوسا گولدی.

لؤرد هنری دئدی:"آرزولارام کی سیز دؤرییانا عاشیق اؤلمایاسیز، عزیزیم. اؤ چؤخ تهلوکه لی دی."

 لیدی مانماوس گولدی: " کیشی لر تهلوکه لیاؤلاندا چؤخ ماراقلی اؤلورلار."

ائله اؤ زامان اؤنلار بیر دوشمه سسی ائشیتدیلر. لؤرد هنری اُتاقدان ائشییه چیخدی وه دؤرییانی بایقینشکیلده تاپدی. دؤرییان گؤزلرینی آچان کیمی، لؤرد هنری دئدی : " منیم عزیز دؤرییان،سن گره ک اؤزوندن مواظب اؤلاسان. سن یاخشی دئیلسن."

دؤرییانیاواشجا آیاقا دوردی: " یاخشیام، هری. ساغام." دؤرییان اتاقیندا شاما گئتماقا حاضیرلاشیردی کی  نه گؤردوقونی خاطیرلادیوه قؤرخو پیچاق کیمین اؤنا باتدی. دؤرییان بیر نفـــــری گؤروب تانیمیش ایدی پنجره ده کی اؤنی قودوردی- اؤ جیمز وان ایدی.

ساباه کی گون قؤرخوسوندان ائودن ائشییه چیخمادی. گؤزلرین یومان واقت، بالیقچی نین اوزونی گؤروردی.اؤزیله دییردی:" بو یالنیز خَیال اؤلابیلر. بلی ، بونون ایمکانی یؤخیدی. سیبئل وانین قارداشی اؤنون آدین بیلمیر، وهایندی گره ک دنیزده قاییقیندا اؤلا."یؤخ، البتته کی جیمز وانین اوزون پنجره ده گؤرمه میشدی.

آمما بو قؤرخوکیخَیالدی یا خَیال دئییل قالدی ایچینده.

ایکی گون گئچدیوه دؤرییان آز قؤرخماقا باشلادی. اوچونجی گون، گؤزل، ایشیق قیش سحری، دؤرییان یؤلداشلارینا "ساچمه آتما پارتی" سینه  قاتیلدی.لیدی مانماوس یانیندایدی وه اؤنلار جنگل ین بیر گوشه سینه گئدیردیلر کی کیشیلر اؤردا گوشلارا وه بالاجا جاناوارلارا توفنگینن آتش آچیردیلار. سؤیوق هاوا ، سس صدا وه جنگل ین قؤخوسی دؤرییانی شاد ائلدی. بیردن بیر کیشی اؤنلارین یانیندا کی آغاجا آتش ائلدی. سحر فضا سیندا ایکی باغیرما سسی دویولدی – بیر گوشونکی وه بیریدهبیر کیشی نین باغیرماسی، ایکی سیده یارالی.

کیشیلردن چاغریش باغریش سسی گلیردی ، اؤنلار بیر کیشی نین اؤلوسون آغاجدان چکیب چیخاردیلار.دؤرییان چؤنوب باخدی قؤرخو ایله. شانس سیزلیق اؤنون هر یئرده قاباقینا چیخیردی.

آداملار ائوه طرف گئتماقا باشلادیلار. لؤرد هنری گلیب دئدی دؤرییانا کی کیشی اؤلوب.

 دؤرییان باشینی ساللادی وه آرام دئدی: "هری، من حیس ائلیرم وحشتلی بیر ایش بیزدن بیرینین باشینا گله جاق – بلکه ده منیم باشیما."

لؤرد هنری اؤنون فیکرینه گولدی: " سنین باشیوا نه گله بیلرکی؟ سن بیر کیشی نین دونیادا ایسته دیقی هر شئیه صاحیبسن. بو حادیثه نی اونود. بو بیر حادیثه ایدی – جینایت دئییل." سؤنرا گولماق ایله داوام ائتدی کی : " آمما بو چؤخماراقلی اؤلارکی بیر قاتیلینن گؤروشه سن."

لیدی مانماوس دئدی: " بو نه دهشتلی سؤزدیکی دییرسیز! اؤجور دئیل، میستر قیرئی؟ میستر قیرئی! گئنه نوخوشسوز؟ رنگیز آتیبدی! "

دؤرییان گولدی و آرام دانیشماقا چالیشدی. دئدی: " هئچ نه یؤخدی، آمما لوطفن باغیشلایین منی.فیکر ائلیرم گره ک گئدم و اوزانام."

دؤرییان اتاقیندا قؤرخودان، یئل ده کی یارپاق کیمین تیتیریردی. اؤزیله دئدی داهی بیر گئجه ده بو ائوده قالمامالیدی. اؤلوم گونش ایشیقیندا گزیر اؤرالاردا. قرار وئردی کی تئز لندنه  قایدیب دؤهتورونی گؤره. نؤکری گلدی لیباسلاری دوزه لتسین، بو ایشی گؤره گؤره دئدی دؤرییانا کی اؤلن آدام بالیقچی ایدی،آمما هئچ کس اؤنون آدین بیلمیر.

دؤرییان دئدی:" بالیقچی!" آیاقا دوردی. بیر اومید اوره گینده یاراندی. " من گره ک اینــدی اؤلونی گؤره م." ائوه گئتدی، اؤلو اؤردایدی،  اؤلونون اوزون آچان کیمی، جیمز وانین اوزون گؤردی. شادلیق دان باغیردی، بیلدی کی ایندی آماندادی.

پؤرتیره

" اوره کسیز اوز"

لؤرد هنریدئدی: " سن یاخشی اؤلاجاقسان؟ منه بئله دئمه. مؤحتشم سن یاشادیقین سوره جه.لوطفن دییشمه. هری اوزون وه بیاض بارماقلاریله میزین اوستونده کی گولونن اؤیناییردی.لندن ده یاز ایدی، ایکی دؤست لؤرد هنری نین ائوینده شام یئییردیلر.

دؤرییان قیرئی باشینی دَبَتدی: " یؤخ، هری، چؤخ دهشتلی شئی لر حایاتیمدا ائله میشم، ایستیرم دَییشم. یاخشی حایاتیمی ساباه، کَند ده باشلایاجاقام."

لؤرد هنری گولدی:" منیم عزیز اؤغلوم، هر کس کندده یاخشی اؤلابیلر. کنـــدده بیر شئی یؤخدی کی ائلییه سن، اؤنا گؤره پیس ایشلر گؤرماق ایمکان سیزدی. آمما دِء گؤروم ،نه جور یاخشی حایاتینی باشلییاجاقسان؟ "

 کندده بیر قیز وار، چؤخ گؤزل ، صادیق، کند قیزی.منی سئویر، حاضیردی کی مننن گله ساباه، آمما من یؤخ دئدیم. رَد ائله دیم کی اؤنون گئنج حایاتینی خاراب ائله مییم ، تاپدیقیم کیمین بوراخدیم."

لؤرد هنری گولدی: " یانی بئله کی اؤنی سینیق اوره گیینن بوراخدین. نئجه بیر کندلی اؤغلان ایله شاد اؤلا بیلر سنی تانیدیق دان سؤنرا؟"

دؤرییان باغیردی: " بوجور ائله مه ، هری! سن هئچ واقت جیددی اؤلا بیلمه سن؟"  هری:"عذر ایستیرم کی بئله دانیشدیم." دؤرییان : " گل آیری بیر شئی لردن دانیشاق. لندن ده نه باش وئریر؟"

هری: " آداملار هله ده یازیق باسیل حاقدا دانیشیرلار کی نئجه گؤزده ن ایتیب . بیلمیرم نده ن ، چؤخ آیری شئی لر وار کی اؤلار دانیشالار. آروادیم آیری بیر کیشی ایله قاچــــیب، آلن کمپـــــل اؤزونـــی اؤلدوروب..."

دؤرییان آرام سؤروشدی:" باسیلین باشینا نه گلیب بیلیرسن؟"

لؤرد هنری دئدی: " هئچ فیکریم یؤخدی. اینگیلتره پؤلیسی راپؤرت وئریب کی باسیل گئجه یاریسی قاطارینان نؤیابرین دؤققوزی پاریسه گئدیب ، آمما فرانسه پؤلیسی دییر کی اؤاصلن پاریسه چاتماییب. اگر باسیل اؤزونی گیزلتماق ایسته سه، هئچ ماراقلانمارام.اگر اؤلوب ایسده ، هئچ دوشونمه ک ایسته میرم. اؤلوم تک بیر شئیدی کی حقیقتن منی قؤرخودور– نیفرتیم وار اؤندان."

دؤرییان دئدی:" هری، آداملار دئمیرلر کی ... باسیل اؤلدورولوب؟ "

لؤرد هنری دئدی:" بعضی قازئت لر بئله یازیللار. آمما کیم ایستر کی اؤنی اؤلدوره؟ باسیل اؤقدر ذکی دئیل دی کی دوشمنی اؤلا."

دؤرییان دئدی:" هری، اگر دئسم کی باسیلی من اؤلدورموشم نه دییَرسن؟" هری یه دیققت لیباخدی.

لؤرد هنریگولدی: " یؤخ، منیم عزیز دؤرییان، جینایت سنه گؤره بیر شئی دئیل. سن باشقاجور لذذتلری سئویرسن. گره ک بیر ایش گؤره سن کی اؤ ایشین حاققیندا سؤنرا دانیشا بیلسن." هری قهوه ایستیکانین اَلینه قؤتدی: "پؤرتیره کی باسیل چکمیشدی نه اؤلوب؟ اؤنی ایللردی کی گؤرمورم. دئمه کی اؤنی اوغورلاییب لار؟ چؤخ حیف اؤلار!"

دؤرییان دئدی:" هئچ واقت پؤرتیره نی سئومه دیم. اؤنون حاققیندا دانیشماق ایستمیرم بئله یاخشیدی."

 بیر سوره ایکی کیشی ده سوسدولار. سؤنرا لؤرد هری صندلی سینه دایاندی وه فیکیرلشن گؤزلر ایله دؤرییانا باخدی. منه دِء گؤروم نئجه گئنجلیق وه گؤزللیقینی ساخلامیسان، دؤرییان. بعضی سیرلرین اؤلمالیدی. یالنیز اؤنیاش سندن بؤیوکم،  آمما قؤجا کیشی کیمین گؤروشورم.آمما سن دَییشمه میسن ایلک سننن تانیشدیقیم زاماندان بَری. نه ماراقلی حایاتین وارسنین! "

دؤرییان آرامدئدی: " هه، ماراقلیدی، هری، آمما ایندی دییشمه ک ایستیرم. هر شئییبیلمیرسن."

هری گولدی:" دَییشه بیلمزسن، دؤرییان . سن و من همشه لیک دؤست قالاجاق."

دؤرییان آیاقادوردی: " بو گئجه یؤرقونام، هری. من گره ک گئده م ائوه. من ساباه ناهار سنیگؤرمه لییم. گئجن خیر."

قاپیدا بیرنئچه لحظه دایاندی وه دالیسینا باخدی، آمما چؤنوب بیر سؤز دئمه دن گئتدی.

ائوده لؤردهنری ایله صحبتینه فیکیرلشدی. گرچک دن دَییشه بیلر؟ اؤزیله فیکیرلشیردی. شیطانیبیر حایات یاشیردی، آیری آداملارین حایاتلارین دا خاراب ائلیردی. گؤره سن اومیدواریدی دییشمه ک اوچون؟

نییه بو آرزونیپؤرتیره حاققیندا ائله میشدی؟ اؤ گئنجلیق وه گؤزللیقینی قؤروموشدی، آمما چؤخلی هزینه اؤنون اوچون خرج ائله میشدی. اؤنون گئنجلیقی روحونی محو ائتمیشدی. اؤ بیرآینا قؤتدی وه اوزونه باخدی. ایندی اؤ نه ایدی؟ بیر اوره ک سیز اوز. بیردن اوز گؤزللیقین دن نیفرت ائله دی، وه آینانی یئره آتدی ، آینا نئچه تیکه یه  بؤلوندی.

 جیمز وان، باسیل هالوارد، سیبئل وان – بو اؤلوملر ایندی بیلهسینه اؤنملی دئیلدی. یاخشی ایدی گئچمیشه فیکیرلشمییه. هئچ نه اؤنی دئییشه بیلمز. گره ک اؤزونه فیکیرلشه. اؤزیله دئدی: " بلکه ، منیم یاخشی حایاتیم اؤلسا، پؤرتیرهآز چیرکینلشر."  کندده کی گؤزل قیزیخاطیرلادی – اؤنون گئنج حایاتینی خاراب ائله مَییب.بیر یاخشی ایش گؤروب. بلکه پؤرتیره ایندی یاخشی نظره گلر.

تئز قیفیللی اتاقا یوخارییا قاچدی. بلی، یاخشی حایات یاشییاجاق بوندان بئله ، داهی شیطانی پؤرتیره وه روحوندان قؤرخماقا نه دن قالمییاجاق. پؤرتیره نین اوستون آچان کیمی،چاره سیز باغیردی. هئچ دییشماق  اثری یؤخیدی. پؤرتیره ده کی اوز هله ده دهشتلی ایدی – لاب چیرکین لشمیش دی –  قیرمیزی (آل) رنگ پؤرتیره ده کی اَلین اوستونده آچیق قیرمیزی نظره گلیردی، ائله بیل کی تازا قان ایدی.

پؤرتیره یه نیفرت ایله وه قؤرخولی گؤزلر ایله باخدی. ایللر قاباق سئویردیکی پؤرتیره نین دییشدیقینی وه قؤجالدیقینی گؤره ؛ آمما ایندی اؤنون اَلیندن یاتانمیر. پؤرتیره هرشانسی، صلح وه شادلیق اوچون الیندن آلیب. دؤرییان اؤزیله دئدی: " گره ک اؤنی محو ائلییه م."

اطرافینا باخدیوه  اؤ پیچاقی گؤردی کی باسیل هالواردی اوننان اؤلدورموشدی. دؤریـــیان اؤزیله دئدی: " ایندی بو پیچاق رسسامین رسمینیده اؤلدوره جاق، گئچمیشی اؤلدوره جاق، اؤ زامان کی پورتیره اؤلسه ، آزاد اؤلاجاقام." دؤرییان پیچاقی قؤتدی وه پؤرتیره یه سالدیردی.

دهشتلی بیرباغیریش سؤنرادا دوشمه سسی ائشیدیلدی. نؤکرلر اؤیاندیلار، ایکی بئی افندی کی آشاقیداکی جادده دن گئچیردیلر، دوروب وه ائوین پنجره سینه باخدیلار. بیر پؤلیس گلدی،اؤنلاردان سؤروشدی:

 " هانسی ائوده ن سس گلدی؟"

 دئدیلر : " میستر دؤرییان قیرئی ین ائویندن، سِر(Sir=لقب)."

ایکی کیشی بیربیرلرینه باخدیلار، چؤنوب اؤردان اؤزاخلاشدیلار.

 ائوین ایچینده نؤکرلر آلچاق سس ایله وه قؤرخموش شکیلده دانیشیردیلار. اؤنلار اُتاقا گئتدیلر. قاپینی دؤیدولر، آمما جاواب سسی گلمه دی. سسله ندیلر، گئنه هئچ سس گلمدی. قاپینی آچانمیردیلار، بونا گؤره دام یؤلوندان دیرماشیب آشاقایا گئدیب پنجره دن ایچه ری گئچدیلر.

دووارا دایالی گؤزل گئنج دؤرییان قیرئی ین پؤرتیره سین گؤردولر، مؤحتشم جاوانلیق وه گؤزللیق ایله.یئرده یاتان بیر اؤلو کیشی واریدی کی اوره گینه پیچاق سؤخولموش ایدی. اؤنون اوزی قؤجا وه چیرکیندی ، نوخوشلوقدان سارالمیش ایدی.

یالنیز بارماقینداکی اوزوکدن بیلمک اؤلوردی کی بو شخص کیمدی.