تانیدیمیز یول

من بیر هئچدیم. بیلمیرم نییه ولی گونلرین بیر گونی ایسته مه دن اوزون بیر یولا چیخدیم. میلیون لارجا منه تای ایله یاریشیردیم. هامی قاباغا گئدیردیک. بیر شئی آختاریردیق آما نه یی بیلمیردیک. هارا گئده جاق بیلیردیک آما نه یینن قارشیلاشاجاق بیلمیردیک. بو یول چؤخ اوزون ایدی. نئجه دئییم حیساب ائلییه نده 7 سئری دونیانین اطرافین گزمه ک کیمی بیر شئی ایدی. بو یولدا چؤخلارین گؤردوم کی اؤلدولر. نئچه سین گؤردوم کی نوقصان لی ایدیلر. یولون باشلانقیچین دا چؤخ لاری تسلیم اؤلوب گلنمه دیلر. من یولون ایلک آنلارین دا بیر نئچه دا اوزومه تای ایله یؤلداش اولدوم. اؤنلارین آراسیندا منه بنزه مییه نلرده واریدیلر. گؤزل، ظریف شکیللری واریدی. حرکتده ن ال چکمیردیک. بیزیم قیچیمیز یوخودو آما گؤزل بیر قویروقوموز واریدی. بیر سیوی نین ( سو کیمی بیر شئی) ایچینده قویروقوموز ایله حرکت ائدیردیک. بعضی واقتلار کی آرخاما باخیردیم یولداشلاریمی گؤروردوم کی یارالانیب اولوردولر. دهشتلی بیر منظره ایدی آما من ایختیارسیزجا ، ایله ری گئتمه لیدیم. گره ک گئده ردیم چون بیر شئی منی چاغریردی. بیر سس منه دئییردی گل، بیر قؤخو منی چاغریردی. گؤزللیک لره دؤغرو گل دئییردی وه منده بو چاغرییا قولاغ وئردیم. آرتیق یئنی دونیایا گلمیشدیم. یالنیز من او یولدان چیخیب، یاریشی قازانمیشدیم. بلی، منیم جایزه م بو ایدی کی 9 آی بؤیونجا گره ک بیر آیری ائوده یئییب ایچه م وه بو ائوده ن ائشیه ده کی دونیایا حاضیرلاشام. 9 آی گئچدی وه من ایشیقلی بیر دونیایا گئچمه یه حاضیریدیم، منی دیشاری چیخاردیلار. یانیما یاواشجا ضربه ویردیلار. اینانمالی دئییردی، قاباغجا یالنیز سس ائشیدیردیم آما ایندی سس ده چیخاردا بیلیردیم یعنی دانیشابیلیردیم. بلی من بو دونیایا حقیقتلری دئمه یه گلمیشدیم. من اینسان اولموشدوم. اینسانلیق اوچون گلمیشدیم.