یاندیران اینتیقام

بوراسی منیم دونیامدی. هر نه اؤندا وارس امنیم ایسته دیم شکیلده دی. آمما اؤندا آیری اینسان لاردا یاشیر. من تک دئییلم. ایکی ایل قاباغدا بو دونیا واریدی، آمما بئله دئیلدی. اؤنو من دئییشدیردیم. یاشاماق اوچون دئییشتیردیم. یوخسا او دونیادا قالان دئیلدیم. ایندیسه یاراددیغیم دونیادان گئتمک ایستمیرم. واقتی گلنده بو دونیادان گئده جم آمما هله واقتی دئییل. یاشاماق اوچون نه ده نیم وار. من دانیشمامی قورتاردیم. گله جکیم ( گله جک هر اینسانین یاراددیغی آمما اولوموندن سؤنرا بویوین بالاجا اینساندی) دئدی: " ائلسس بو دونیا گؤزل دی آمما ایکی ایل قاباغ نه اولموشدی کی؟ دونیا نه جوریدی؟ "

بیلیرسن، دینچ بیر یئره گئدک من دئییم کی نه جوریدی. من ایله گله جکیم بیر چای ائوینه گئدیب باشلادیم دانیشمایا.

ایکی ایل قاباق دونیا دولی ایدی ظلم ایله. تکجه پوللو اینسانلار یاشیردیلار و لذت آپاریردیلار. آمما اینسانلارین یاریدان چؤخو پوللولارا کؤله اولموشدولار. کؤله اینسانلار پول قازانماق اوچون چؤخ ایشلیردیلر آمما اؤ قدر عمر ائلمیردیلرکی ییغدیغلاری پوللاری خرج ائلییه لر. کؤله لر اوشاقلارینا یئتیره نمیردیلر و کؤله لرین گلجکلری همشه پوللولارین گلجکلرین دن دالی قالیردیلار. پوللولار اعتیراض ائده ن کؤله لری کیشی قادین بیلمه ده ن دؤیوب زیندانا سالیردیلار. قادین کؤله لر ایر گؤزل اولسایدیلار پوللولار طرفینده ن زورلا قاچیریلیردیلار. کؤله لرین قیافه لری بئله یدی کی اوزون توکلری واریدی و بوغ ساخلاییردیلار ولی ساده لیباس گییردیلر، بیر کؤینک، بیر شالوار. آمما پوللولار فرقی لیدیلر. اونلارین باشی نین اوستونده هرم شکلینده سوموک چیخینتی سی واریدی و توکلری یوخودی. کؤک و بد قیافه ایدیلر و اوره مه قوجلری یوخودی. اونلارین یاشاماسی دمیر اسکرلر ایله ممکن ایدی. دمیر اسکرلر لوله ده ن یارانان وارلیقلاریدیلر. بیر یوقون لوله بدنین وه نئچه بالا لوله ده قول قیشلارین شکیل وئریردیلر. ایکی ایل قاباق هاوا همشه قارلی و سویوغی دی. گون چیخمازدی همشه گئجه یدی. ائله کی بیر ایلده تکجه اوول آیین 13 جونده بیر ساهاتلیغ گون چیخاردی. من شهرین بویوک پوللولاریندان بیرینه ایشلیردیم کی پول گؤز آدیدی. پول گؤز او بیری پوللولارا گؤره هم قوجلو و هم ده ظالیم تریدی. همشه ایشده ن چیخیب پیاده گئده ردیم و شهرده کی ظلمه شاهید اولاردیم. بوردا ماشین لار گؤی ده گئدیردیلر و هئچ کس کؤله لرده ن اونلاردان آلا بیلمزدیلر.

من سوسمایی اعتیراضا ترجیح وئریردیم چونکی اعتیراض ائله سه یدیم زیندانا دوشه بیلردیم. آخی من زیندانا گئده بیلمزدیم. چونکی من همشه سئوگیلیم ین یانینا گئتمک اومیدیله ایشده ن چیخیب ائوه گئدیردیم. منیم آنام چؤخ قاباغجا اؤلموشدو. اودا کؤله یدی آمما آتام پوللو ایدی. من اونلاری تانیمادان بیر اؤزگه سینه اولاد ائدیلمیشدیم. اونون آدی چؤخ بیلن ایدی. آمما اودا من بویوینده ن سؤنرا گئتدی. چؤخ بیلن همشه یئر آلتیندا یاشاییردی و منه بئله دییردی: " یئرده یاشاماقی اؤیرش چونکی گؤیه اوچدوغوندا یئرده کیلری آنلامیاجکسن."

نیسه سئوگیلیمین یانینا یئتیردیم. او چؤخ گؤزل ایدی. ائله کی همشه پوللولار طرفینده ن قاچیریلماق ایسته ییردی آمما هر دفعه بیر شکیلده اللرینده ن قاچیردی. منده اونو همشه قورویوردوم. بیر گون سئوگیلیم ایله گئددیک چؤخ بیلنی تاپاق و سئوگیلیمی اونلا تانیشتیریم. گئدیب اونو تاپدیق، چؤخ بیلن سئوگیلیمی گؤره ن زامان آغزی آچیق قالدی. تعجب ایله دئدی: آمان آللاهیم. سن نه قدر ائلسسین آناسینا بنزه ییرسن. من سؤروشدوم: " نه؟ منیم آنام؟ به یه سن اونو گؤرموشدون؟" چؤخ بیلن دئدی: " البتته آمما او منده ن ایسته میشدی کی تانینمامیش قالسین. آمما سنی اونون قبری باشینا گؤتوره بیللم. من دئدیم: " دورون ایندی گئده ک. بیرلیکده اوچوموز گئددیک بیر اؤرمانا یئتیشدیک قارانلیق و اوزاق بیر اؤرمانا. سوروشدوم بوراسی نه رسی؟ چؤخ بیلن دئدی: " بیز کؤله لر بورا دییه ریک اولمزلر دیاری." آنامین قبرین تاپیب بیراز آغلاییب اوردان شهره دؤغرو یول آلدیق. او گئجه نی یاتابیلمه دیم. صاباح سی ایشه گئده نده بیر شئی لرین ترسه گئتدیغین گؤردوم. سئوگیلیمین سسی گلمیردی. من اویاناندا یانیمدا یوخودو هر یئری ائوده آختاردیم آمما یوخیدی. بس هارا گئتمیش اولا بیلر؟ بیرده ن بیره قیشقیریق سسی ائشیددیم ائشده ن گلیردی. قاچدیم ائشیه. پوللولار سئوگیلیمی قاچیرماق ایسته ییردی. یئرده ن داش قوتوروب اونلارین اوچان ماشینلارینا آتدیم آمما سئوگیلیمی بوراخمیردیلار چونکی اونو ماشیندان چیخان بیر تور ایله هاوادا ساخلامیشدیلار. سئوگیلیم قاچماقا چالیشیردی من داشی قوتوروب محکم بیرده آتدیم وه دوز ده یدی پوللونون باشینا و تورو الینده ن بیراخدی. آمما کاش بئله اولمازدی سئوگیلیم گؤیده ن یئره چیرپیلدی و جان وئردی.

 اونا طرف قاشدیم آمما چؤخ بئواقتی دی. او اؤلموشدی. پوللولار قاچدیلار. آرتیخ یالنیزدیم. هئچ کسیم یوخدی. آنام، ایندی ده سئوگیلیم آرتیخ یوخیدیلر. او گون ایشه گئتمه دیم. ساهاتلارجا یول گئتدیم و فیکیرلشدیم. تصمیم توتدوم چؤخ بیلنین یانینا گئده م.

چؤخ بیلن منی گؤره نده تئز دئدی: " نه اولوب؟ نییه بس رنگین آتیب؟ " دئدیم کی نه باش وئریب، چؤخ بیلن ناراحات اؤلدی و منه باشین ساغ اولسون دئدی. چؤخ بیلن نئچه ساهات منیله دانیشدی کی منی تک قویمویا. بیرده ن ایکیمیزده سوستوق چاییمیزی ایچدیک. بیرده ن دئدیم: " چؤخ بیلن، بیلیسن نه وار؟ " او دئدی: " یوخ." دئدیم: " ایستیرم پوللولاردان اینتیقام آلام." چؤخ بیلن دئدی: " چؤخ قشنگ آمما نئجه؟ " دئدیم: " بیلمیرم آمما سن یاردیم ائده رسن؟"

چؤخ بیلن فیکیرلشدی و دئدی: " یاخشی اوول سنه بیر موتور نیازدی." منی آپاردی ائوینده ن ائشیکه یئر اوزونه ساری. یئر اوزونده اونا عایید حیط واریدی کی اوندا کهنه پوللو ماشینلاری و بیرده گؤزل موتور واریدی. سوروشدوم: " بولار هامیسی سنیندی؟" گولدی دئدی: " البتته."

چؤخ بیلن منه موتور وئردی و نئچه ایشلتمه لییم گؤستردی و ایذین وئردی اونو سورم. چؤخ قودرتلی موتوریدی. چؤخ بیلن اونو هیزلی دمیر چاغریردی. منده بو آدی به یه ندیم. چؤخ بیلن دئدی اینتیقام اوچون بو لازیمین اؤلاجاق. چؤخ بیلن ده ن آیریلدیم و اینتیقام اوچون حرکت ائله دیم. اودا منه اوغورلار آرزولادی.

نئچه گون گئدیب قیزلیجه پوللولارین ائولرین و گلیب گئدماقلارین گوددوم. پوللولارین ائولری قاباقیندا چؤخلو گؤرویوجو واریدی و گلیش گئدیش لری کنترل ائلیردیلر. اوچونجو گون گئجه چاغی کی گئتمیشدیم یئنی ایططیلاعات اله گتیرم بیرده ن بیر کؤله یه راس گلدیم. او گئنج بیر کؤله یدی. آمما بئله گوروشوردی کی اودا پوللولاردان نیفرت ائدیر، زامان آختاریر کی اینتیقام آلا. ایشیمیزی گؤروب اوردان آیریلاندا اوننان سؤروشدوم: "آدین نه دی؟" دئدی: " منیم آدیم یوخدو. آمما سن منه یولداش دییه بیلرسن." من یولداشینان نئچه ساهات دانیشدیم، گئچمیشیمی دئدیم. اوندان نیفرتینین سببین سوروشوب، ایستدیم کی بیراز اوزوننن دئسین. او بیراز فیکیرلشدی دئدی: " پوللولار منیم آتا و آنامی اولدوروبلر. اؤنلار کؤله یدیلر آمما پوللولارا باش ائیمیردیلر. بیر گون کی کؤله لری تظاهراتا چاغریردیلار، پوللولارین امری ایله و دمیر اسکرلرین الیله اولدورولدولر." دئدیم: " باشین ساغ اولسون." او ساکینجه گولومسه ییب دئدی: " ساغول." او گئجه سحرچاغیناجان اوتوروب نئجه پوللولارین سارایینا گیرمه لییک فیکیرلشدیک.

بیز سحر چاغیناجان یاتمادان بو سونوجا چاتدیغ کی ائله قاپیدان ائوه گیره ک چون قیزلیجه ائوه گیرمک اوقدر تهلوکه لیدیرکی سونوموز چوخ پیس اولابیلر.

ایکیمیزده "هیزلی دمیره" میندیک و هیزلا قاپیدان اوچاراق ایچه ری گیردیک ائله کی گوروجولار بیزیم گلدیمیزی گورمه دیلر. ائوین حیطین ده ن کیمسه یه گورسنمه ده ن سارایین قاپیسینا یاناشدیغ. بو بینا پول گؤزون ایدی.

ایچری گیرمک اولموردی قاپی قیفیللیدی. یولداش دئدی منده بومبا وار قاپینی پاتلاتماق اوچون. دئدیم هله واقتی دئییل بیراز دایان.

قاپینی یاواشجا دمیر کسن ایله کسدیق و ایچری گئچدیک. ائو یئددی قاتیدی. البتته او بیری پوللولارین ائولری 3 قاتیدی. یالنیز پول گؤزون ائوی یئددی قاتیدی.

ایلک اوچ قاتی سورونسوز اوسته چیخدیق. دؤرد و بئشینجی قاتدا دمیر اسکرلر بیزیم اولدوموزی حیس ائتدیلر. یولداش اونلاری بومبا ایله محو ائله دی. آلتینجی قاتا چیخدیک. آلتینجی قات کؤله لر ایله دولیدی. اؤنلار باشقا کؤله لری ساتان کؤله لریدیلر. بیزی گؤردولر آمما بیزی دوست ساندیلار. یولداش گؤردی ساتقین کؤله لرین ایکیسی یئددینجی قاتا یئمک آپاریرلار. اونلاردان یئمکلری زورلا آلدی دئدی گل گئداق. یئددینجی قاتا یئتیردیق. هئچ کس یوخودی. درین بیر سسسیزلیق هر یئری بوروموشدی، سانکی بوردا پوللولار یاشامیر. بیرده ن اتاقین هر یئرینده اولان یاپماجیق دووارلارین دالیسیندان دمیر اسکرلر و پول گؤز ایچری گیردیلر. بیز محاصره اولموشدوک و پول گؤز بیزده ن سؤن دوعامیزی ائتمه ییمیزی ایسته دی. یئددینجی قاتین دامی جامدان ایدی. بیرده ن بیر پوللو ماشینی جامدان ایچری گیردی.

هامی دهشتله باخدیلار ماشینا. ایچریسینده ن چؤخ بیلن ائشیکه چیخدی. بیز اونو گوردوق و سئویندیق. چؤخ بیلن بیزیم اوردان چیخمامیزی ایستدی. بیز بینادان ائشییه چیخدیق آمما چؤخ بیلن گلمه دی. من اونو چاغیردیم آمما بیر سس گلمه دی. قورخو ایله یولداشا باخدیم ایکیمیزده چاره سیز بکلیردیک. بیرده ن بینانین أن اوست قاتیندا بؤیوک اینفیجار اولدی.

سارای یاواشجا چؤکدی. چاره سیز تورتوکوندولر آراسیندا چؤخ بیلنی آختاریردیق. آمما چؤخ بیلن آرتیق یوخودو، او اؤزونی بیزیم اوچون قوربان وئرمیشدی. ماشینین ایچینده هئچ نه قالمامیشدی. چؤخ بیلن ده ن گئرییه ساده جه بیرد میر ورق کی اونون ایمضاسی اوستونده یدی قالمیشدی. اونون اوستونده یازیلانی اوخودوم. آمان تانریم اؤ یازمیشدیکی: " سؤنوندا اینتیقامینی پوللولاردان آلدین. آمما بونی بیل کی پول گؤز سنین آناوی ترک ائده ن شخصیدی. ایندی آنان سنینله ایفتیخار ائلیر."

سؤن